2016 වර්ෂයෙදී හරි අපුරු Horror-Thriller යන කාණ්ඩයට අයත් චිත්‍රපටයක් වෙන Don’t Breathe නැරඹුවා මතකයිද? මට නම් අද වගේ මතකයි එහි තිබ්බ ත්‍රාසය. ඔන්න එහි දෙවැන්න තමයි මේ රැගෙන එන්නෙ. ඇත්තටම හිතුවෙ නැහැ මෙහි දෙවැනි චිත්‍රපටයක් මෙලෙස කරයි කියලා. හැබැයි මේ සැරේ නම් කලින් චිත්‍රපටය වඩා ටිකක් අඩු රේටින් ප්‍රමාණයක් අරගන්න සමත් වෙලා තියෙන්නෙ. බොහෝවිට තාම ආපු ගමන් නිසා වෙන්නැති කියලා හිතෙනවා. මං මේ සබ ඉවර වෙනකොටත් IMDb අගය 6.3 ක් සහ කුණු තක්කාලි අගය 40% අරගන්න සමත් වෙලා තියෙනවා. ඒවගේම අධ්‍යක්ෂණය කරන්නෙ Rodo Sayagues විසින්. රංගනයෙන් Stephen Lang l Stephanie Arcila l Bobby Schofield l Brendan Sexton l Rocci Williams දායක වෙනවා. ඒවගේම කලින් එක බලල නැත්තම් ඒක නරඹල ඇවිත් මේක නරඹන්න කියනවා. එහෙනම් අපි දැන් කතාව පැත්තට හැරෙමුකො.

පළවෙනි චිත්‍රපටයෙ සිදුවීම වෙලා අවුරුදු 8 කට පස්සෙ මේක වෙන්නෙ. දැන් නොර්මන් ජීවත් වෙන්නෙ අවුරුදු 11 ක පොඩි කෙල්ලෙක් එක්ක. ඔහු ඇයව ලෝකයාගෙන් ආරක්ෂා කරනවා. ඔහු පවසන්නෙ පිටත ලෝකය භයානක තැනක් බව. ඉතින් ඔහු ඇයව ඒක එක එක පුහුණු වීම් කරල ලෑස්ති කරනවා. ඒවගේම ඇයව ඉස්කෝලෙට යවන්නෙත් නැහැ. ඒත් කවුද මේ කෙල්ල? කලින් එකේදී අපිට එවැනි සිදුවීම් පෙළක් දකින්න ලැබෙන්නෙ නැහැනෙ. ඔන්න කොහොමහරි දවසක් මේ කෙල්ලගෙ ඉල්ලීමට ඇයව වෙන භාරකරුවෙක් ( නොර්මන් එක්ක වැඩ කරන කෙනෙක් ) සමඟ එළියට යවනවා. මේ කාලෙ තමයි කුඩා දරුවන්ගෙ අවයව ජාවාරම් කරන පුද්ගලයෙක් ගැන කටකතා යන්නෙ. ඔන්න කොහොමහරි මේ පොඩි කෙල්ලව මේ ජාවාරම් කරුවන්ගෙ නෙතට අසුවෙනවා. ඉතින් ඔවුන් උත්සහ කරන්නෙම ඇයව එවෙලේ පැහැරගෙන යන්න. ඒවගේම තමයි මොවුන් ඒ සඳහා සැලැස්ම කරනවා. ඒ නොර්මන්ගෙ ගේ ඇතුළට ගිහින් කෙල්ලව උස්සං යන්න. හැබැයි මොවුන් ඔහු ගැන අවතක්සේරු කරනවා අන්ධ මිනිහෙක් කියලා. ඉතින් මොවුන්ට මොන වගෙ ඉරණමක් අත්වෙයිද? ඒවගේම තමයි මේ කෙල්ල ගැන අන්ත චිත්‍රපටය අවසානයෙ දකින්න ලැබෙයි. එහෙනම් ඉතින් චිත්‍රපටය ඔයාලටම බාරයි.

හැමොටම ජය!!!

ලිපිය උපුටා ගැනීම :- Baiscope.lk හි පලවූ රවිදු රුක්ෂාන් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Don’t Breathe 2 (2021) Sinhala Subtitles | සිංහල උපසිරසි සමඟ appeared first on SinhalaSub.

The post Guy Ritchie’s The Covenant (2023) Sinhala Subtitles | සිංහල උපසිරසි සමඟ appeared first on SinhalaSub.