කර්ටිස්ට් කියන්නෙ තාක්ෂණික සමාගමක මැනේජර් කෙනෙක් මෙයාගෙ බොස්ටයි මෙයාටයි උවමනා වෙනවා අති නවීන AI පද්ධතියක් වෙලඳපොලට ඉදිරිපත් කරන්න කලින් අත්හදා බලන්න ඉතින් අත්හදා බලන්න කියලා මේ AI පද්ධතිය කර්ටිස්ට් ගෙදර ගේනවා මෙයාගෙ පවුලෙ අයට මේකෙන් උදව්වක් වෙනවද කියලා බලන්නත් එක්ක කාලයක් යද්දි මේ AIA ( එයාගෙ නම ආයා )

පවුලෙ අයගෙ ඕනෙම ප්‍රශ්නයක් හොඳින් හෝ නරකින් ක්ෂණිකයෙන් විසඳන තත්වයට පත් වෙනව මේකෙන් කර්ටිස්ට්ගෙ පවුලට ( නෝනටයි ලමයි තුන්දෙනාටයි ) අත්විදින්න වෙන්නෙ මොකක්ද කියලා ඔයාලම බලන්න තාක්ෂණය අලුත් වෙන්න වෙන්න අනාගතේදි වෙලඳපොලේ අලෙවි වෙයි කියලා හිතෙන ඒවා පාලනයෙන් තොර වෙයි කියන සිතුවිල්ලෙන් අධ්‍යක්ෂකවරයා යම් තොරතුරක් සමාජගත කරන්න උත්සාහ කරලා තියෙනවා…..!

ලිපිය උපුටා ගැනීම :- Zoom.lk හි පලවූ  ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Afraid (2024) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

ඔන්න එහෙනම් අද අරං ආවා හොරර් ෆිල්ම් එකක්. ෆිල්ම් එක මොකක්ද කියලා ආයෙ අමුතුවෙන් කියන්න දෙයක් නෑනේ හොරර් ෆිල්ම් බලන අය නම් මේක ගැන දන්නවා ඇති. මොකද කිව්වොත් මේ ෆිල්ම් එක පාදක කරගෙන තියෙන්නේ කිං ඔෆ් හොරර් ලෙස සැලකෙන ස්ටීවන් කිං මහතාගෙ ද බුගීමෑන් පොත. ස්ටීවන් කිං කිව්වහම නොදන්න කෙනෙක් නෑනෙ ඔහු තමයි ලෝකප්‍රකට හොල්මන් ප්‍රබන්ද පොත් රාශ්‍රියක් රචනා කළේ. ඒ පොත් ආශ්‍රයෙනුත් ප්‍රසිද්ධ හොරර් චිත්‍රපට ගනනාවක් නිශ්පාදනය වෙලත් තියෙනවා, ඒවාගෙන් කීපයක් කිව්වොත්, IT, The Shining, The Mist, 1408, Misery, Carrie වැනි පනප්‍රිය කෘති ගන්න පුළුවන්.

මේ ෆිල්ම් එක සිනමාශාලාවල් වලට නිකුත් වුණේ 2023 ජූනි දෙවෙනිදා 20th Century Studios හරහා. සිනමාශාලාවල් වලට නිකුත් වෙලා මාස දෙකකටත් වැඩි ප්‍රමානයක් ගියාට පස්සෙ තමයි මේකෙ වෙබ් රිලීස් කළේ, එනම් අගෝස්තු 28 වෙනිදා. ඒ අනුව මේ ෆිල්ම් එක ඩොලර් මිලියන 35 යොදා නිෂ්පාදනය කරලා ඩොලර් මිලියන 82 වැඩි ප්‍රමානයක් උපයගන්න හැකිවුණා. මේක අධ්‍යක්ෂණය කළේ Rob Savage මහතා සහ රංඟනයෙන් දායක වුණා Sophie Thatcher, Vivien Lyra Blair, Chris Messina, David Dastmalchian, Madison Hu, Marin Ireland වැනි අය. ප්‍රේක්ශක ප්‍රතිචාර ගැන කතා කලොත් මේ වන විට මනාප 13,400කට අධික ප්‍රමානයකින් IMDb 6.1 හොඳ අගයකුත් කුණු තක්කාලි 62%කුත් ගන්න හැකිවෙලා තියෙනවා. එහෙනම් දැං අපි කතාව පැත්තට හැරෙමු,

මේ කතාවට අනුව බුගීමෑන් කියන්නේ ළමයින්ව බිලිගන්න එන රාක්ෂයෙක්ට. ඌ දුර්වල ඉක්මනි බයට පත්වෙන ළමයින් ඉලක්ක කරලා ඔවුන්ගෙ පස්සෙන් එනවා. අන්ධකාරයේ ඉදන් තමා ළමයින්ව බිලිගන්නේ උගේ ඇස් ගැටුනොත් ආයෙ බේරීමක් නම් නෑ කියල තමා කියන්නේ. එහෙනම් දැං අපි මේ කතාවේ ප්‍රධාන චරිත පැත්තට හැරෙමු. සේඩී කියන්නේ මෑතකදී එයාගෙ අම්මා නැතිවුණ නිසා ඒකෙ පීඩනෙන් ඉන්න තරුණියක්. ඒ අහිමි වීම ඇයට වගේම ඇගේ නංගිටත් තාත්තාටත් තදින්ම බලපාලයි තියෙන්නේ. මෙයාලගෙ මේ දුක් කරදර දෙගුණ තෙගුණ වෙන්නේ නාදුනන අමුතු මනුස්සයෙක් හදිසියේ ඔවුන්ගේ ගෙදරට කඩා පැනීමෙන් පසුවයි. ඉතිං කවුද මේ මනුස්සයා? මේ පවුලට බුගීමෑන්ගේ ඇස ගැටෙන්නේ කොහොමද? මෙයාලට මේකෙන් බේරෙන්න හැකිවෙයිද? මේවාට උත්තර මේක බලලාම දැනගන්න පුළුවන්.

ඉතිං මේ වැසි සමයෙ කාට හරි හොල්මන් ෆිල්ම් එකක් බලන්න ඕන්නම් මේක බලන්න කියලා කිසිම බයක් නැතුව නිර්දේශ කරන්න පුළුවන්. මොකද මේක කාලෙකට පස්සෙ ආපු එක තැනකට විතරක් කොටු නොවුන හොල්මන් ෆිල්ම් එකක්. එහෙනම් මීට වඩා මුකුත් කියන්න අදහසක් නෑ ඔයාලම බලන්නකෝ…

ජය වේවා!!

ලිපිය උපුටා ගැනීම :- Baiscope.lk හි පලවූ Bimsara Yashan (ඔලිව) සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post The Boogeyman (2023) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

19 වෙනි සියවස කියන්නේ ඉංග්‍රීසි සාහිත්‍ය‍යේ ස්වර්ණමය යුගය කියලා හැඳින්වුවොත් මම හිතන්නේ මම වැරදි නෑ. චාල්ස් ඩිකන්ස්, වෝල්ටර් ස්කොට්, තෝමස් හාර්ඩි, ජේන් ඔස්ටින්, චාර්ලට් බ්‍රොන්ටෙ, මාක් ට්වේන්, ඔස්කාර් වයිල්ඩ් සහ ආතර් කොනන් ඩොයිල් වැනි විශිෂ්ට ලේඛකයන්ගේ නාමයන් මේ වෙද්දිත් රන් අකුරින් ලියැවී අවසන්. දෙනුවර අන්දරය, ඔලිවර් ට්විස්ට්, අයිවන්හෝ, මෝබිඩික්, වදරින් හයිට්ස් සහ ජේන් අයර් වැනි ලොව සුපතල ග්‍රන්ථයන් එම සමයේ පමණක් නොව අදටත් රසික හදවත් වර්ණවත් කල ශ්‍රේෂ්ට නිර්මාණ ලෙස හඳුන්වන්න පුළුවන්. මෙම ග්‍රන්ථ බොහෝමයක් ආදර කතා, ඉතිහාස කතා, රහස් පරීක්ෂක වැනි කාණ්ඩයන් යටතේ තමයි නිර්මාණය වෙලා තිබුනේ. ඔන්න ඔය කාලේ තමයි 1897දී අයර්ලන්ත ජාතික බ්‍රෑම් ස්ටෝකර් විසින් “ඩ්‍රැකියුලා” කියන නව කතාව රචනා කලේ. ඒ වගේම මෙම අද්භූත රන්ථය මුළු එංගලන්තයම ත්‍රස්ත කරන්න සමත් උනේ නොසිතූ අයුරින්. පසුව ලෝකයේ විවිධ භාෂා වලට මේ ඩ්‍රැකියුලා පොත පරිවර්ථනය වීමත් එක්ක ලොව පුරා සීග්‍රයෙන් ජනප්‍රිය උනා. ඒ වගේම මේ නව කතාව ඇසුරෙන් චිත්‍රපට සහ රූපවාහිනි කතාමාලා රැසක් නිෂ්පාදනය කරලා තිබෙනවා. අන්න ඒ විදියට ඩ්‍රැකියුලා චරිතය පාදක කරගෙන නිපදවුන නවතම ෆිල්ම් එක තමයි The Last Voyage of the Demeter කියන්නේ.

ඩ්‍රැකියුලා මුල් පිටපතේ කවරය සහ බ්‍රෑම් ස්ටෝකර් මහතා

ඔයාලා ඩ්‍රැකියුලා නවකතාව කියවලා තියෙනවනම් මේ ඩෙමීටර් නෞකාව නුපුරුදු දෙයක් වෙන්න බෑ. අන්ධකාරයේ කුමාරයා හෙවත්ඩ්‍රැකියුලා තමන්ගේ ලේ පිපාසිත භීෂණය පතුරන්න රුමේනියාවේ වර්නා වරායේ ඉඳන් එංගලන්තයට එන්නේ මේ නැවෙන් තමයි. ඒ ගැන තොරතුරු අපිට මීනා හාකර්ගේ දිනපොතෙන් වගේම ඩේලි ටෙලිග්‍රාෆ් පුවත්පතිනුත් දැනගන්න ලැබෙනවා. ඉතිං ඩේලිටෙලිග්‍රාෆ් පුවත්පතේ පලවෙන්නේ ඩෙමීටර් නෞකාවේ කැප්ටන්ගේ ලොග් පොතේ ලියලා තිබෙන විස්තර පමණයි. මෙන්න මේ සිද්ධිය ඇසුරු කරගෙන එදා ඩෙමීටර් නැවේ සිදුවුන අද්භූත සිද්ධියේ රූපමය රචනාව මෙම චිත්‍රපටයෙන් ඔයාලට නරඹන්න පුළුවන්. ඇත්තටම නවකතාවෙදි මේ නැවට දාලා තියෙන ඩෙමීටර් කියන නම බ්‍රැම් ස්ටෝකර් ආවාට ගියාට දාපු නමක් නෙමෙයි. ඩෙමීටර් කියන්නේ ග්‍රීක මිත්‍යා කතාවල ඉන්න දෙවඟනක්. ග්‍රීක ප්‍රවාද වලට අනුව ඇය තමයි ගොවිතැන සහ අස්වැන්නට අධිපති දෙවඟන. මේ දෙවඟනගේ නම ස්ටෝකර් තෝරගෙන තියෙන්නේ යටි අදහස් කීපයක්ම පෙන්නුම් කරන්න තමයි. ඒ මොනවද කියලා මම ඔයාලට කියන්නම්. එතකොට ඔයාලට තේරෙයි බ්‍රැම් ස්ටෝකර් කියන්නේ මොනවගේ විශිෂ්ට කතුවරයෙක්ද කියලා.

• ඩෙමීටර් කියන්නේ අස්වැන්නට අධිපති දෙවඟන නිසා ඇයට ජීවය සහ මරණය අධීක්ෂණය කරන්න පුළුවන්: මේ නැවෙන් පෙන්වන්නේ ඩ්‍රැකියුලා විසින් එංගලන්තයට මරණය රැගෙන එන අයුරුයි.
• වරක් ඩෙමීටර් දෙවඟනට කරදර කිරීමට සමුද්‍රයට අධිපති රජු පොසයිඩන් විසින් ඇයව ලුහුබැඳ එනවා: මේ නැවට මුහුදේදි අත්වන විනාශකාරි ඉරණම එයින් නිරූපණය වනවා.
• ඩෙමීටර් දෙවඟනව සීරීස් කියාත් හඳුන්වනු ලබනවා: එයින් පෙන්වන්නේ ඩ්‍රැකියුලාගේ දෙබිඩි ජීවිතයයි.
• ග්‍රීක ප්‍රවාද වලට අනුව මනුෂ්‍ය ශිෂ්ටාචාරයට නීතිය හඳුන්වලා දීලා තිබෙන්නේ ඩෙමීටර් දෙවඟන විසින්: ඩ්‍රැකියුලා නවකතාවේ ප්‍රධාන චරිතයක් වන ජොනතන් හාකරුත් නීතිඥයෙක්.
• ඩෙමීටර් නෞකාව කුණාටුවකට හසුවී ගසාගෙන එන සිදුවීම රචනා කිරීමට ස්ටෝකර් අභාශය ලබාගෙන තියෙන්නේ 1887දී කුණාටුවකට හසුවී විට්බි වරායට ගසාගෙන ආ “දිමිත්‍රි” නම් රුසියානු නැවේ ඛේදජනක ඉරණමයි.

ඩෙමීටර් දෙවඟන

The Last Voyage of the Demeter චිත්‍රපටය Horror/ Fantacy යන කාණ්ඩයන්ට තමයි අයත් වෙන්නේ. IMDb අගය 6.4කුත්, 90%ක ගූගල් පරිශීලක මනාපත් හිමි කරගෙන තියෙන මේ චිත්‍රපටය අධ්‍යක්ෂනය කරන්නේ නෝර්යාවීජිනු චිත්‍රපට අධ්‍යක්ෂකවරයෙක් වෙන André Øvredal විසින්. චිත්‍රපටය සිනමා ශාලා වලට නිකුත් කෙරුනේ අගෝස්තු 10 වෙනිදා වගේම වෙබ් පිටපත් නිකුත් උනේ අද (29) තමයි. හොලිවුඩය දෙවනක් කල Barbie සහ Oppenheimer චිත්‍රපට දෙකේ ඝට්ටනයට මැදීවීමත් එක්ක මේ චිත්‍රපටයේ බොක්ස් ඔෆිස් වාර්තානම් සුබ වෙන්නේ නෑ. Game of Thrones කතා මාලාවේ ඩාවෝස් සීවර්ත් ලෙස රංගනයෙන් එක් වූ Liam Cunningham කැප්ටන් එලියට් ලෙසත්, Corey Hawkins ක්ලෙමන්ස් ලෙසත්, Aisling Franciosi ආනා ලෙසත්, ඒ වගේම David Dastmalchian වෝචෙක් ලෙසත් රංගනයෙන් එක් වෙනවා.

කතාව ගැනනම් පොඩ්ඩක් හරි කිව්වොත් ඒක ඔයාලගේ රස විඳීමට බාධා වෙනවා. ඒ වගේම ඔයාලා මීට කලින් ඩ්‍රැකියුලා නව කතාව කියවලා නැත්තම් ඒක කියවලා ඉන්න. එහෙනම් පහලින් ෆිල්ම් එක බාගෙන බලන්නකො…

ජය වේවා!!

ලිපිය උපුටා ගැනීම :- Baiscope.lk හි පලවූ යුරාන් ධනුක සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post The Last Voyage of the Demeter (2023) Sinhala Subtitles | සිංහල උපසිරසි සමඟ appeared first on SinhalaSub.

The post Ant-Man and the Wasp: Quantumania (2023) Sinhala Subtitles | සිංහල උපසිරසි සමඟ appeared first on SinhalaSub.