Helen Mirren Archives - SinhalaSub

Golda (2023) Sinhala Subtitles | සිංහල උපසිරසි සමඟ

PRAGEETH DILSHAN — Fri, 10 May 2024 19:38:49 +0000

Golda Sinhala Sub
Golda Sinhala Subtitles
Golda (2023) Sinhala Sub
Golda (2023) Sinhala Subtitles

සුභ දවසක් හැමෝටම!!

ඊශ්‍රායලය සහ යුදෙව්වන් හට ලෝක සිනමාවෙ සුවිශේෂ ස්ථානයක් හිමිවන්නේ හේතු දෙකක් නිසා.ඒ Woody Allen, Stanley Kubrick Steven Spielberg වැනි අග්‍ර ගන්‍ය යුදෙව් ජාතික සිනමාකරුවන් නිසා. අනෙක ඔවුන් හා බැදුනු අපූරු සිද්ධීන් විවිධ අවස්ථා වල දෑවැන්ත සිනමා සඳහා ප්‍රස්තූතයන් වීම නිසා. Schindler’s List, Waltz With Bashir, Operation Thunderbolt, Exodus මෙන්ම Oppenheimer ද යුදෙව් සම්බධතා ඇති චිත්‍රපට .විශේෂයෙන්ම දෙවන ලෝක යුධ සමයේ යුදෙව් සංහාර, ඊශ්‍රායෙල් අරාබි යුධ ගැටුම්,එන්ටැබේ ප්‍රහාරය,මොසාඩ් ඔත්තු සේවා වික්‍රම හා බඳුන් සත්‍ය සිදුවීම් අති විශාල සංඛ්‍යාවක් නිර් මාණ ලෙස එළි දක්වා තිබෙනවා.ගෝල්ඩා එහි තවත් නවතම චිත්‍රපටයක් .2023 අගෝස්තු මස නිකුත් උන දැනට IMDB 6.0 ක අගයක් දක්වෙන මේ චිත්‍ර පටය Guy Nattiv ගේ අධ්‍යක්ෂනයක්. Helen Mirren, Camille Cottin ,Liev Schreiber,Dvir Benede,Lior Ashkenazi මෙහෙ ප්‍රධාන චරිත රඟපානවා…

දෙවන ලෝක යුද්ධයෙන් පසුව 1948දී ස්වාධීන රාජ්‍යයක් ලෙස ප්‍රකාශයට පත් කෙරුනු ඊශ්‍රායලය මධ්‍යධරණි මුහුදේ නැගෙනහිර වෙරළේ පිහිටි බටහිර ආසියානු කලාපයට අයත් රටක්. උතුරට ලෙබනනය, ඊසාන දිගට සිරියාව, නැගෙනහිරට ජෝර් දානය, නිරිත දිගට ඊජිප්තුව යන දේශ සීමාවන්ගෙන් වට වී තිබෙනවා.මෙහි බිහිවීම පිටුපස විශාල කතාන්තර‍යක් තිබුනත් කෙටියෙන්ම කියනවා නම් තමන්ට කියා රටක් නැතිව සිටි ලොව පුරා විසිරුණු යුදෙව් ජනතාවගේ මව් බිම මෙසේ රාජ්‍යයක් බවට ප්‍රකාශ කිරීම අසල් වාසී අරාබි රජ්‍යයන්ට එතරම් සැනසිලිදායක කාරනාවක් උනේ නෑ.අරාබීන් යුදෙව් රාජ්‍යය පිළි නොගැනීම නිසා නිරන්තරයෙන් දෙපාර්ශවය අතර ගැටුම් ඇති උනා.වටේම සිටින විශාල අරාබි රටවල් වල ප්‍රහාරයන්ට මුහුණ දීමට කුඩා ඊශ්‍රායලයට හැකියාව ලැබුනේ ඔවුන්ගේ විශිෂ්ඨ උපක්‍රමික ඥාණය,හැකියාව හා ඇමරිකානු සහයෝගය නිසායි.හතර වටින්ම එල්ල වූ අරාබීන්ගේ නිරන්තර ප්‍රහාරයන්ට ප්‍රතිප්‍රහාරයක් ලෙස 1967 දී අරාබි රාජ්‍යයන් තුනක් සමග යුධ වැදුනු සුප්‍රකට දින හයේ යුද්ධය මගින් ඊජිප්තුවට අයත් සීනායි අර්ධද්වීපය ගාසා තීරය,ජෝර් දානයට අයත් බටහිර ඉවුර සහ සිරියාවට අයත් ගෝලාන් කඳු වැටිය යටත් කර ගත්තා.එය සිය භූමියමෙන් සිව් ගුණයක ප්‍රමාණයක්.

මෙම දෑවැන්ත පරාජයේ ලජ්ජාව තුරන් කර ගනීම සඳහා ඊජිප්තුව හා සිරියාව දියත් කල ඒකාබද්ධ “යොන් කුපූර්” යුධ ක්‍රියදාමය 1973දී ක්‍රියාත්මක වන විට ඊශ්‍රායලයේ අගමැතිනියව සිටියේ ගෝල්ඩා මියර් නමැති අයෝමය කාන්තාවයි.1969 දී එවකට භාරකාර අගමැතිනිය වශයෙන් පත් වූ ඉතා පළපුරුදු රාජ්‍යතාත්ත්‍රිකයෙකු වූ වයෝවෘධ ඇය පිලිකා රෝගයෙන් පෙළෙමින් මෙම බරෑරුම් සටනට මුහුණදුන් ආකාරය මෙම චිත්‍ර පටයෙන් පෙන්වනවා.1967 ජයග්‍රහණයෙන් ඔද වැඩී තමන් ගැන අධි තක්සේරුවකින් පසු වූ ඊශ්‍රායෙල් ඉහළ පෙලේ ආරක්ෂක අංශ අරාබි යුධ සූදානම ගැන බුද්ධි අංශ අනතුරු ඇඟවීම් නොසලකා හැරීමේ ප්‍රතිඵලයක් ලෙස 1973 ඔක්තෝබර් 5 දින “යොන් කිපූර්” ආගමික උත්සවය දින ආරම්භ වූ මෙම ද්විත්ව ප්‍රහාරයෙන් ඔවුන්ට හානි සිදු වුනා. පරාජයේ අබිමුව සිය රජය මෙහෙයවීමේ අභියෝගය ගෝල්ඩාමියර් ජයගන්නේ කෙසේද? අරාබීන්ට සෝවියට් සහය හිමි වෙද්දී ඊශ්‍රායලය වෙත ඇමරිකානුන්ගේ පිළිවෙත කුමක්ද? විශාල හානියේ වගකීම ගෝල්ඩාමියර් භාර ගනීද?

ඊශ්‍රායලය පසුකාලීනව සීනායි අර්ධද්වීපය ඊජිප්තුව වෙත ලබා දුන්නද අද වන තුරුද ගාසා, බටහිර ඉවුර හා ගෝලාන් කඳු වැටිය තමන් යටතේ රඳවා ගෙන සිටීම නිසා ඇති වූ තවමත් ගැටළු නිරාකරණය වී නොමැත.

එහෙනම් මෙ ෆිල්ම් එක පහලින් Download කරන් බලන්න කියල ඔයාල හැමෝටම ආරාධනා කරනවා…

ජය වේවා!!

ලිපිය උපුටා ගැනීම :- Baiscope.lk හි පලවූ BANDULA K සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Golda (2023) Sinhala Subtitles | සිංහල උපසිරසි සමඟ appeared first on SinhalaSub.

The One and Only Ivan (2020) Sinhala Subtitles | සිංහල උපසිරසි සමඟ

PRAGEETH DILSHAN — Thu, 24 Aug 2023 13:31:24 +0000

The One and Only Ivan Sinhala Sub
The One and Only Ivan Sinhala Subtitles
The One and Only Ivan (2020) Sinhala Sub
The One and Only Ivan (2020) Sinhala Subtitles

සුභ දවසක් හැමෝටම!!

The One and Only Ivan අධ්‍යයක්ෂණය කරනු ලැබෙන්නේ Me Before You (2016) අධ්‍යයක්ෂණය කළ Thea Sharrock අතින්. තිර රචනය සිදු කරනු ලබන්නේ Mike White විසින්. මේ චිත්‍රපටයට පාදක වන්නේ The One and Only Ivan නමින්ම K. A. Applegate අතින් රචිත ළමා නව කතාවයි. Sam Rockwell තමයි අයිවන්ට හඬ කැවීමෙන් දායක වෙලා තිබෙන්න‍ේ. Angelina Jolie, Danny DeVito, Helen Mirren, Brooklynn Prince, Ramón Rodríguez, Ariana Greenblatt සහ Bryan Cranston වගේ කට්ටිය තමයි රංගනයෙන් සහ හඬ කැවීමෙන් දායක වෙලා තිබෙන්නේ.

අපි නව කතාව ගැන පොඩි විපරමක් කරලා බැලුවොත්, මම කලින් කිව්වා වගේම මේ ළමා නවකතා පොතේ රචකයා වන්නේ K. A. Applegate. චිත්‍ර හැඩ ගන්වන්නේ Patricia Castelao. මේ නව කතාව දිව යන්නේ අයිවන් කියන සිල්වර්බැක් (silverback) ගෝරිල්ලා වටායි. අපි මුලින්ම බලමුකො කවුද මේ සිල්වර්බැක් ගෝරිල්ලෙක් කියන්නෙ කියලා.

සිල්වර්බැක්…. ඇත්තටම මම මුලින් මේ වචනය දැක්කාම හිතුවා සිල්වර්බැක් කියන්නේ ගෝරිල්ලා වර්ගයක් කියලයි. නමුත් ටිකක් හොයලා බලද්දි තමයි දැනගන්නට ලැබුණේ සිල්වර්බැක් කියන්නේ වැඩිහිටි පිරිමි ගෝරිල්ලන්ට බව. මෙසේ මොවුන්ව හඳුන්වන්න හේතු වන්නේ ඔවුන්ගේ කොඳු ප්‍රදේශයේ සිට ඉණ ප්‍රදේශය දක්වා තිබෙන කළු ලොම් රිදී පැහැයට හැරෙන නිසාලු. එතකොට බ්ලැක්බ්ලැක් (Blackbacks) කියල කියන්නේ වයස අවුරුදු 8 සිට 12 දක්වා ගෝරිල්ලන්ට. ඒ වයසට වැඩිය රිදී පැහැ ලොම් නැහැ. ඒක අමතර කරුණක්.‍

දැන් අපි ටිකක් අයිවන් ගැන කතා කරමුකෝ. දන්නවද? මේ නවකතා මනඃකල්පිත වුණාට අයිවන් කියන්නේ ඇත්තටම හිටපු ගෝරිල්ලෙක්. මේ නවකතාවට ආවේශනය ලබාගෙන තිබෙන්නේ මේ ගෝරිල්ලාගෙන් සහ එම ගෝරිල්ලා මුහුණ දුන් සිදු වීම්.

අයිවන්, 1962 උපත ලැබූ, Western lowland ගෝරිල්ලෙක්. ඔහු උපත ලැබුවේ වර්තමානයේ කොන්ගෝ ප්‍රජාතන්ත්‍රවාදී ජනරජය ලෙස හඳුන්වන ප්‍රදේශයේයි. ඔහුව කැළෑව තුළදී අල්ලාගනු ලබන්නේ ඔහු කුඩා කලදීමයි. ඔහු මුල් අවුරුදු කිහිපයේ දිවි ගෙවන්නේ ඔහුගේ අයිතිකරුවන් සමඟ වන අතර පසුව ඔහු නිවසක සිටීමට පවා අපහසු වන තරමට විශාල වූ පසුව අයිතිකරුවන් විසින් ඔහුව කොන්ක්‍රීට්වලින් සෑදූ කූඩුවකට යවනවා. එය ප්‍රදර්ශනයට තිබෙන්නේ වොශිටන්හි B&I නම් වෙළඳ සංකීර්ණයක. අයිවන් එහි තමයි ඔහුගේ දිවියේ ඊළඟ අවුරුදු 27 ගෙවනු ලබන්නේ.

අයිවන්ව නිදහස් කර ඔහුට‍ හරි හැටි අවධානය ලබා දී බලාගත හැකි තැනකට යවන්නට ඉඩ දෙන බවට ඉල්ලා ප්‍රාදේශීය සත්ව සුභසාධන සංවිධානවලින් කළ සාර්ථක සටන් ව්‍යාපාරවලින් පසුව, 1994 දී අයිවන්ව සියැට්ල්වල පිහිටි වුඩ්ලන්ඩ් පාක් සත්වෝද්‍යානයේ තබනවා. ඊට වැඩි කලක් නොගොස්, ඔහුව ජෝජියාවේ ඇට්ලැන්ටාවල පිහිටා ඇති ඇට්ලැන්ටා සත්වෝද්‍යානට යවනවා. ඔහුගේ දිවි අවසන් වන තාක් ඔහු දිවි ගෙවන්නේ එහිදීයි. 2012 අගෝස්තුවලදී අසනීප තත්වයෙන් සිට ප්‍රතිකාරවලට මුහුණ දෙමින් සිටි අතරතුර වසර 50ක් ආයු පරිභෝජනය කළ අයිවන් ජීවිතයට අවසන් තිත තබනවා. ඔයාලට මෙතනට ගියානම් බලන්න පුලුවන් ඇට්ලැන්ටා සත්වෝද්‍යානයේ වෙබ් අඩවියෙන් අයිවන් පිළිබඳ සටහන් කර තිබෙන වාර්තාව. ඉතින් ඕක තමයි අයිවන්ගේ සැබෑ ජීවිත කතාව…

නව කතාවේත් අපේ අයිවන් කියන ගෝරිල්ලා දිවි ගෙවන්නේ වෙළඳ සංකීර්ණයකයි. මේ නව කතාව ලියල තියෙන්නේත් අයිවන්ගේ දෘෂ්ටි කෝණයෙන්ම තමයි. 2013 Newbery Medal සම්මානය ජහග්‍රහණය කරන්නට සමත් වෙනවා. තවත් බොහෝමයක් සම්මාන දිනාගන්න The One and Only Ivan නවකතාවට හැකියාව ලැබෙනවා.

ඉතින් The One and Only Ivan නවකතාවේ අති සාර්ථකත්වයෙන් පසුව, මේ වසරේ ඒ කිව්ව‍ෙ 2020 මැයි මාසේ නැවතත් Katherine Applegateගේම රචනයෙන් The One and Only Bob නමින් තවත් නව කතාවක් නිකුත් වෙනවා. මෙම නව කතාව ඉදිරිපත් කර තිබෙන්නේ අයිවන්ගේ හොඳම මිත්‍ර සුනඛයා වන බොබ්ගේ දෘෂ්ටි කෝණයෙන්.

මේ නවකතාවල සාරාංශනම් දෙන්න යන්නේ නැහැ මොකද චිත්‍රපටයත් නවකතාවට සමීපව ධාවනය වෙයි කියලා හිතන නිසා. කතාව කියවලා තියෙනවනම්, බලන්නකෝ චිත්‍රපටය කොච්චර දුරට නවකතාවට ළඟින් යනවද කියලා.

මේ චිත්‍රපටය මුලින්ම නිකුත් වෙන්නට තිබුණේ Walt Disney Studios Motion Pictures සමාගම යටතේ අගෝස්තු 14. නමුත් කොවිඩ්-19 වසංගත තත්වය නිසා සිනමාහල් වසා දැමීම හේතුවෙන්, ජූනි 12 වෙනිදා නිවේදනය කරනු ලබනවා Disney+ ඔස්සේ අගෝස්තු 21 වෙනිදාට නිකුත් කරන බවට. හැබැයි ඔන්න ජූලි 8 වෙනිදා චිත්‍රපටයේ පූර්ව ප්‍රචාරන පටයේ නිකුත් වීමත් සමග පෙර තීරණය කළ පරිදිම නැවතත් අගෝස්තු 14 වෙනිදාම නිකුත් කරන්න හිතුවත්, අවාසනාවන්ත ලෙස ආපහු 21 වෙනිදාම නිකුත් කරන්න තීරණය කරනවා.

හොඳයි අපි දැන් චිත්‍රපටයේ කතාව දිහාවට හැරෙමු… මේ කතාවේදීත් පොතේදී වගේම බිග් ටොප් වෙළඳ සංකීර්ණය සහ වීඩියෝ ආකේඩ් එක්සිට් එයිට් (Big Top Mall and Arcade Exit 8) කියන ගොඩනැගිල්ලේ තමයි අයිවන් ජීවත් වෙන්නේ. අයිවන් තමා‍ මේ සර්ක්ස් එකේ ප්‍රධාන තරුව මොකද බිල්බෝඩ් එකේ (විශාල දැන්වීම් පුවරුවෙ) තියෙන්නේ එයාගේ පින්තූරයක් සහ සඳහන් කරලා තියෙන්නේ එයා ගැන. එයාට යාළුවෝ කිහිප දෙනෙකුත් ඉන්නවා. එයාලව චිත්‍රපටය බලලාම අඳුනගන්නකෝ. එතකොට අයිවන්ගේ රාජකාරිය වෙන්නේ ලොකු තරහක් මවාපාමින් ගොරවලා, කිං කොං වගේ පපුවට ගහගෙන එහෙම සර්කස් එක බලන්න එන කට්ටියව සතුටු කරන එක.

නමුත් ළඟදි ඉඳලා සර්කස් එක බලන්න එන කට්ටිය අඩු වෙලා. ඉතින් සර්කස් එක කරගෙන යන අයිවන්ව පුංචි කාලයේ ඉඳලා බලා කියාගත්තු මැක් මහත්මයා මේකට විසඳුමක් හිතලා තීරණයක් ගන්නවා. ඒ මොකක්ද කියලත්, අයිවන් සහ ඔහුගේ මිතුරන් ඒ තීරණයට කොහොම ප්‍රතිචාර දක්වයිද කියලාත් පවුලේ හැමෝම එකතු වෙලා මේ චිත්‍රපටය බලලා දැනගන්න කියලා ආරාධනා කරනවා. ?

ජය වේවා!!

ලිපිය උපුටා ගැනීම :- Baiscope.lk හි පලවූ එල්.සී.දමැල් සහෝදරයාගේ ලිපිය

The post The One and Only Ivan (2020) Sinhala Subtitles | සිංහල උපසිරසි සමඟ appeared first on SinhalaSub.

Shazam! Fury of the Gods (2023) Sinhala Subtitles | සිංහල උපසිරසි සමඟ

Gihan Lakmal — Tue, 11 Apr 2023 08:53:11 +0000

Shazam! Fury of the Gods Sinhala Sub
Shazam! Fury of the Gods Sinhala Subtitles
Shazam! Fury of the Gods (2023) Sinhala Sub
Shazam! Fury of the Gods (2023) Sinhala Subtitles

The post Shazam! Fury of the Gods (2023) Sinhala Subtitles | සිංහල උපසිරසි සමඟ appeared first on SinhalaSub.