සුභ දවසක් හැමෝටම!!

හුරතලේට සත්තු ඇති කරන්න අපි ගොඩ දෙනෙක් පුරුදු වෙලා ඉන්නවා. එහෙම ඇති කරන සත්තු අතරින් බල්ලන්ට ලැබෙන්නේ විශේෂ තැනක්. සමහර බල්ලන්ට ලැබෙන සැලකිල්ල ගෙදර මිනිස්සුන්ට වත් ලැබෙන්නේ නැහැ. උන්ට සුපිරි සැප. වෙලාවට කෑම, බීම, බෙහෙත්, ඉන්න වෙනමම තැනක්.

ඔය අතරේ තව බල්ලෝ කණ්ඩායමක් ඉන්නවා අපි හැමෝටම පාරේ යනකොට හම්බවෙන. උන්ට අපි සරලවම කියන්නේ වල් බල්ලෝ කියලා. මම මේ කියන්නේ කකුල් හතරේ වල් බල්ලෝ ගැන හොඳේ. අන්න එහෙම වල් බල්ලන් ගැන කියවෙන කතාවක් තමයි අද මෙ අරන් එන්නේ.

චිත්‍රපටයේ නම Strays. රඟපාන්නේ බල්ලෝ. එක බැල්ලියෙකුත් ඉන්නවා. මේ කතාව බලන කොට මට මුලින්ම මතක් උනේ Cats & Dogs චිත්‍රපටය. වෙනසකට තියෙන්නේ මේ චිත්‍රපටයේ පූසෝ නැහැ. ඒ වෙනුවට ඇති තරම් කුණුහරුප නම් තියනවා. ඉතින් කියන්න ඕන සමහර කුණුහරුප අපි ඒවායේ ඇත්ත සිංහල වචන වලට කිට්ටු වෙන්න පරිවර්තනය කරා නැත්නම් කතාවේ රසය අඩු වෙන නිසා. ඒ වගේම කියන්න ඕන මේක විහිලු කතාවක් නිසා මුල ඉඳන් අග වෙනකල්ම හොඳට හිනා වෙවී බලන්න පුළුවන් ඔයාලා හැමෝටම.

එහෙනම් කතාව ගැන පුංචි ඉඟියක් දෙන්නම්. රෙජී (Will Ferrell) කියන්නේ හුරතලේට ඇති කරපු බල්ලෙක්. එයාගේ හාම්පුතා තමයි ඩග් (Will Forte). හැබැයි ඩග්ට රෙජීව පේන්න බැහැ. මොකද රෙජී නිසා ඩග්ගේ හොර වැඩ කෙල්ලට මාට්ටු වෙනවා. ඒ වගේම ගෙදර පිළිවෙලට තියා ගන්නත් අමාරු වෙනවා. ඒ නිසා ඩග් තීරණය කරනවා රෙජීව ඈතක ගිහින් දාලා අතරමං කරන්න. එහෙම අතරමං කරන රෙජීට පාරේ ඉන්න වල් බල්ලෝ තුන් දෙනෙක් සෙට් වෙනවා. ඒ තමයි බග් (Jamie Foxx), හන්ටර් (Randall Park) සහ මැගී (Isla Fisher). ගජ යාළුවො වෙන මේ කට්ටිය එකතු වෙලා ඩග් ගෙන් ඒ කියන්නේ රෙජීගේ හාම්පුතා ගෙන් පළි ගන්න හැටි තමයි කතාවෙන් කියන්නේ. ඒ පළි ගන්න විදිහ නම් බලන්නම ඕන කියලා වැඩක් නැහැ.

Strays ලංකාවේ නම් පෙන්නුවේ නැහැ. සමහර විට තියන කුණුහරුප නිසා වෙන්න ඇති. චිත්‍රපටය විදේශ රටවල ප්‍රදර්ශනය ආරම්භ උනේ අගෝස්තු 18. Universal Pictures විසින් බෙදා හැරපු මේ චිත්‍රපටය අධ්‍යක්‍ෂණය කරේ Josh Greenbaum. ඒ වගේම මේකට IMDb 6.3 අගයකුත් Rotten Tomatoes 55% අගයකුත් ලැබිලා තියනවා. පුද්ගලිකව මගේ අදහස නම් මීට වඩා රේටින් ලැබෙන්න ඕන කියන එකයි. මොනවා උනත් කතාවේ රසයට නම් මේ රේටින් අදාල නැහැ. Josh Greenbaum ප්‍රධාන නළු නිලි බල්ලන් 4 දෙනා එක්ක

චිත්‍රපටය රූගත කරන අවස්ථාවක්

ලිපිය ඉවර කරන්න චිත්‍රපටයේ වල් බල්ලන් වෙනුවෙන් රෙජී හඳුන්වා දෙන නීති තුනක් සඳහන් කරන්න හිතුනා.

1. වල් බල්ලන්ට දෙයක් අයිති කරගන්න ඕන නම් ඒකට චූ කරන්න ඕන
2. වල් බල්ලන්ට කැමති දේකට ඇති තරම් සෙක්ස් කරන්න පුළුවන්
3. වල් බල්ලෝ තනි වෙලා නැහැ

එහෙනම් කතාව බලලා කමෙන්ට් එකකතු දාගෙන යන්න කියලා ආරාධනා කරනවා හැමෝටම…

ජය වේවා!!

ලිපිය උපුටා ගැනීම :- Baiscope.lk හි පලවූ යුරාන් ධනුක සහ චාමිකර විදානගේ සහෝදරයන්ගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Strays (2023) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේ පාර අරගෙන ආවේ සුරගන් කතාවක් අපි පොඩි කාලේ ඉදන් ආස කරපු සහ දැනටත් ආස කරන Beauty and the beast 2017 නිකුත් වුන චිත්‍රපටියත් අරගෙන…. චිත්‍රපටියනම් මේ වෙන්කොටත් අති සාර්ථක ගමනක් යනවා මොකද කියනවනම් ෆිලුම මේ වෙනකොට 1.248 billion USD ආදායමක් උපයාගෙන තියෙනවා හිතා ගන්න පුලුවන්නේ කස්ටියයි ෆිලුම කොච්චර සුපිරි ඇතිද කියලා. ඒ වගේම imdb මීටරේ 7.5ක ඉහල අගයක් දක්වා කැරකිලා තියෙනවා.ඉතාමත් සුපිරි නලු නිලි කැලක් තමයි රංගනයෙන් දායක වෙන්නෙත් emma watson,dan stevens,luke evans, Ian mackellens වගේ අය. ෆිලුම අධ්‍යක්ෂණය කරන්නේ Bill condon කියන සුපිරි අධ්‍යක්ෂක වරයා. විශේෂත්වය තමයි ෆිලුමෙ ගීත ඇතුලත් වීම..මම කතාවනම් කියන්න යන්නෙ නෑ ඔයාලම බලන්නකෝ…

තවත් ෆිලුමකින් ඉක්මනට හමුවෙනක්ම් ගිහින් එන්නම්.

ජය වේවා!!

ලිපිය උපුටා ගැනීම :- Zoom.lk හි පලවූ ගිහාන් උදාර සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Beauty and the Beast (2017) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේ චිත්‍රපටය ගැන අමුතුවෙන් කියන්න ඕන නැහැනේ ෆ්‍රෝසන් කිව්වම ඔයාල දන්නවා අර අපූරු සොයුරියෝ දෙදෙනාගේ කතාව මොකද්ද කියල. ආනා සහ එල්සා කිව්වම ඒ ගැන නොදන්නා පොඩි දරුවෙක් නැති තරම්. ඒ බලපෑම කොයිතරම්ද කියනවා නම් ඒ වෙනුවෙන් කෙලි බාණ්ඩ, ඇඳුම්, පොත් පත් වගේ සැහෙන දේවල් වල ෆ්‍රෝසන් චරිත සහිත ඡායාරූප සමගින් උණු කැවුම් වගේ අදටත් විකිනෙනවා. කොටින්ම ඩිස්නි සමාගමට ෆ්‍රෝසන් පළමු චිත්‍රපටයේ පටන් මේ දක්වාම ආදායම් ගෙන්න සමත් උන දෙදෙනෙක් තමයි ආනා සහ එල්සා කියන්නේ. ඉතින් එවැනි පසුබිමක තමයි ඩිස්නි සමාගම එහි දෙවැන්න වෙනුවෙන් වැඩකටයුතු සූදානම් කරලා දෙවැන්න මේ විදිහට නොසිතු අවස්ථාවකට ඔබට මට මෙහෙම අන්තර්ජාලය හරහා බලන්න ලැබෙන්නේ.

විශේෂයෙන් කියන්න ඕන මේ චිත්‍රපටය දැනටමත් ගෝල්ඩන් ග්ලෝබ් සම්මාන උළෙලේ සම්මාන දෙකකට නාමයෝජනා සඳහා ඉදිරිපත් වෙලා තිබෙනවා. මතක ඇතිනේ පළමුවැන්න ඔස්කාර් සම්මාන දෙකක් හිමිකරගත්තා කියලා. බොහෝදුරට ඔස්කාර් සම්මාන උළෙල තුලත් ෆ්‍රෝසන් දෙවැන්න ලොකු පෙරලියක් කරාවි කියන බලාපොරොත්තුව තිබෙනවා. දැනට හොඳම සජීවිකරණ චිත්‍රපටය සහ හොඳම ගීතය වෙනුවෙන් “Into the Unknown” ගීතය යෝජනා වී තිබෙනවා. ඉතින් බොහෝදුරට ගෝල්ඩන් ග්ලෝබ් පමණක් නෙමේ ඔස්කාර් සම්මානයකට හිමිකම් කියන්නත් මේ චිත්‍රපටයට හැකියාව ලැබේවි. කලින් විදිහටම මේ චිත්‍රපටය අධ්‍යක්ෂණය Chris Buck, Jennifer Lee දෙදෙනා මෙවරත් ඒ කර්තව්‍ය බාරගෙන හොඳින් ඉටුකර තිබෙනවා. හඬ කැවීම් දායකත්වයෙන් Kristen Bell (ආනා), Idina Menzel (එල්සා), Josh Gad (ඔලාෆ්) සහ Jonathan Groff (ක්‍රිස්ටෝෆ්) ගේ චරිත සඳහාත් කලින් පිරිසම සහභාගී වී තිබෙනවා. දැනට මේ චිත්‍රපටය IMDb දර්ශකයේ 7.2 ක ලකුණු ප්‍රමාණයක් හිමිකරගෙන තිබෙනවා. ඒ වගේම කියන්න ඕන මේ චිත්‍රපටය ලැබූ ආදායම ගැන විශේෂයෙන්. චිත්‍රපටය නිර්මානය කිරීමට වැයවූ ඩොලර් මිලියන 150 අද දින වනවිට ඩොලර් මිලියන 1233 ක ආදායමක් කරගැනීමට ආනා සහ එල්සා නිවුන් සොයුරියෝ දෙදෙනා සමත් වී තිබෙනවා. පසුගිය නොවැම්බර් 20 තිරගතවීම ආරම්භ කල මේ චිත්‍රපටය මේ මොහොත වනවිටත් චිත්‍රපට ශාලා වල තිරගත වන අතර ලෝකයේ හොඳම ආදායම් ලැබූ චිත්‍රපට අතරින් 19 ස්ථානයත් හිමිකරගෙන තිබෙනවා. බොහෝ දුරට දෙවැන්න පළමුවැන්නට වඩා සාර්ථක විය හැකියි. මොකද පළමුවැන්න නතර උනේ ඩොලර් මිලියන 1274ක ආදායමකින්. එය අභිබවා යන්න තව කෙටිකලකින් දෙවැන්නට අවස්තාව උදා වේවි.

එහෙනම් චිත්‍රපටය ගැන ටිකක් බලමු… කලින් කිව්වා වගේම ඔයාල ආනා සහ එල්සා ගැන දන්නවනේ. මේ සහෝදරියන්ගෙන් කෙනෙක්ට විශේෂ මායා බලයක් තියෙනවා. ඒ බලය ලැබුණේ කොහොමද සහ එහි අතීතය අපිට දැනගන්න ලැබුණේ නැහැ පළමු චිත්‍රපටයේදී. පළමු චිත්‍රපටය තුල අපිට දැනගන්න ලැබුණේ එල්සාට කරන්න පුළුවන් දේවල් සහ ඇයට ඉතා විශාල බලයක් හිමිවෙලා තියෙනවා කියල. ඇය එය පාලනය කරගන්න බැරුව වෙනම අයිස් මාලිගාවක් නිර්මාණය කරගෙන හිටියා. එත් අවසානයේ සහෝදරියෝ දෙදෙනා නැවත එකතු වෙලා එයාලගේ රාජ්‍යය උන එරන්ඩල් නැවත හොඳින් පාලනය කරන්නට උනා. ඉතින් මේ අලුත් චිත්‍රපටය තුල කතා නායිකාව වෙන්නෙත් එල්සා. එල්සාට එක්තරා හඬක් ඇසෙන්න ගන්නවා. ඇය හිතන්නේ කවුරුන් හෝ ඇයට කතාකරනවා කියලා. හැමදාම මෙහෙම ඇයට විතරක් ඇහෙන මේ හඬ කොහෙන්ද එන්නේ ඇයි ඇයට විතරක් ඒ හඬ ඇහෙන්න කියන එක එල්සට ලොකු ගැටළුවක්. ඉතින් මේ ගැටළුව එල්සගේ අම්මා සහ අප්පච්චිගේ අතීතයටත් සම්බන්ධයි. එල්සා දවසක් ඇයගේ මායා බලය යොදාගෙන මේ හඬ මොකද්ද කියල හොයන්න උත්සාහයක් අරගන්නවා. ඒ අවස්ථාවේදී තමයි එල්සට තේරුම් යන්නේ තමන් කල දේ ඇති බරපතල කම ගැන. ඉතින් මේ වැරැද්ද නිසා එරන්ඩල් වලට ලොකු බලපෑමක් වෙනවා වගේම එරන්ඩල් වල අනාගතය රැඳී තියෙන්නෙත් මේ සොයුරියෝ දෙදෙනා අතෙයි. වෙනදා වගේම කතා කරන හිම මිනිහා ඔලාෆ්, ක්‍රිස්ටෝෆ් හෙවත් ආනාගේ පෙම්වතා සහ ස්වෙන් නමැති ක්‍රිස්ටෝෆ්ගේ පිණි මුවා මේ චිත්‍රපටයටත් එකතු වෙනවා මේ අලුත් වික්‍රමාන්විත ගමන යන්න.

Film එක බලන්න කියලා ආරාධනා කරන ගමන් ගිහින් එන්නම්…

ජය වේවා!!

ලිපිය උපුටා ගැනීම :- Baiscope.lk හි පලවූ හසන්ත වික්‍රමරත්න සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Frozen II (2019) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේකේ චරිත සදහා සංකල්පය අරන් තියෙන්නේ 1940 ගණන් වල ඉදන් ඩිස්නි රාක්කෙක දුවිලි වැදෙමින් තිබුන ස්නොව් ක්වින්. එහෙම නැත්තම් හිම රැජින කියන කතාවෙන් ඒ කතාව ලියලා තියෙන්නේ සුරංගනා කතා රජු ලෙසින් සැලකෙන හෑන්ස් ක්‍රිස්ටියන් ඇන්ඩසන් විසින්. ඉතින් එයාගේ කතාව ඇසුරින් 2013 දි මේ කතාව ලියලා තියෙන්නේ Jennifer Lee විසිනුයි. එයා Wreck-It Ralph (2012) කියන සිනමාපටයටත් දායක වෙච්ච කෙනෙක්. එයා මේකේ අධ්‍යක්ෂනයටත් සහභාගී වෙලා තියනවා. තනියම නම් නෙමේ, Pocahontas (1995), The Little Mermaid (1989) යන කාටුන් සහ Surf’s Up (2007) කියන ත්‍රිමාන සජීවිකරණ සිනමා පට අධ්‍යක්ෂණය කල Chris Buck සමගින් එකතුවෙලා තමයි අධ්‍යක්ෂණය කරලා තියෙන්නේ. 2013 නොවැම්බර් මාසේ 27 වෙනිදා ඇමෙරිකාවේදි නිකුත්කළ මෙහි වියදම ඇමෙරිකානු ඩොලර් මිලියන 150ක ඇස්තමේන්තුගත මුදලක් වැයවෙලා තියනවා. ඒ වගේම 2013 වසර අවසන් වෙනකොට වැඩිම ආදායමක් උපයපු සිනමාපට අතරින් හත්වන තැන දිනාගත්තේ ඩොලර් මිලියන 256ක පෙට්ටි කාර්යාල (ඔව් ඔව් Box office තමා :P) වාර්තාවක් සමගිනුයි.

තව කියනවනම් ඉතින් 71 වන ගෝල්ඩන් ග්ලෝබල් සිනමා සම්මාන උළෙලට නාම යෝජනා ලබාගන්න සමත් වෙලා තියනවා. ඒ තමයි හොදම නැවුම් ගීතය ලෙසට “Let It Go” නම් ගීතයත්. හොදම පරිගණක සජිවිකරණයට හිමි සම්මානය දිනාගැන්මටත්. ඒ සදහා කරට කර තරග කරුවන් දෙන්නෙක් ඉන්නවා. The Croods සහ Despicable Me 2 යන සුපිරි සජිවිකරණයන් ද්විත්වය. තරගකරුවන් තිදෙනාගෙන් imdb හි වැඩිම අගයක් වාර්තා කරගැන්මට සමත් වෙලා තියෙන්නේ නම් ඉතින් මේ සිනමාපටය තමයි. ඒ 2013 වසරේ සජීවිකරණ සිනමාපටයක් වාර්තා කල වැඩිම අගය වූ 8.1 ක් වැනි ඉහළතම අගයක්. මේ සිනමා සිත්තම තවත් සම්මාන 31ක් සදනා නිර්දේශ වී ඉන් සම්මාන 16ක් දිනාගැනීමටත් සමත් වෙලා තියනවා. කොහොම උනත් ඩිස්නි සිනමා පටයකට වසර 6කින් හොදම සජිවිකරණයට හිමි ගෝල්ඩන් ග්ලෝබල් සම්මානය හිමිවෙලා නැහැ. පික්සර් හමුවේ හැම වතාවකදීම පසු බහින්න වෙලා තියනවා. ඒත් මේ වතාවේ පික්සර් අඟියෝගය එල්ලවෙලා නැතිවුනත් Despicable Me 2 වෙතින් ඊට නොදෙවෙනි අඟියෝගයක් එල්ලවෙලා තියනවා. ඔයාලා කලින් බලලා තියනවානම් Tangled (2010) සිනමාපටයේ නිමවුම් කරුවන්ම තමයි මේකටත් දායක වෙලා තියෙන්නේ. ඒ වගේම මේකත් 86 වැනි ඔස්කා සම්මාන උළෙලේදී හොදම සජිවිකරණය ලෙසින් සම්මාන ලබාවි කියලා මම හිතනවා.

දැන් කතාව දිහාවට හැරෙමු එහෙනම්.

කතාව මෙහෙමයි ඇනා සහ එල්සා කියන්නේ ඇරන්ඩල්හි කුමාරිකාවන් දෙන්නා. ඒ දෙන්නට මායා බලයන් තියනවා ඇනා කියන්නේ ඒ දෙන්නගෙන් හුරතල්ම කෙනා එයා තවම හරි පොඩියි එයා එයාගේ මායා බලය පාවිචි කරන හැටි දන්නේ නැහැ තවම. ඒත් අක්කා දන්නවා. එයාට පුළුවන් හිම වැස්සක් වස්සවන්න අයිස් මවන්න. දවසක් මේ දෙන්නා ඒ විදියට සෙල්ලම් කරමින් ඉන්නකොට වැරදීමකින් එල්සාගේ මායා බලය ඇනාට බලපානවා. එතැනදී මුළු කතාවම වෙනස් වෙනවා. ඇනාගේ ජීවිතය වෙනස් වෙනවා. එල්සා තනිවෙනවා. රජු සහ රැජිණිය මිය යනවා. අරන්ඩල් වලට නැව රැජින ලෙසින් එක දිනකදී එල්සා අභිෂේක ලබනවා. මුළු මහත් රාජධානියම අනතුරකට බදුන් වෙනවා ඇනා තමන්ගේ තනිකම නැති කරගැන්මට සත්‍ය ප්‍රේමයක් හොයනවා පිවිතුරුය. පියකරුය. බිහිසුනය පළමු පෙම කියන්නහේ ඇනාටත් එලෙසින්ම වෙනවා අන්තිමේදී ඇනාගේ ජීවිතය බේරගන්න සත්‍ය ආදරයක් අවශ්‍ය වෙනවා. රාජධානිය අනතුරින් බේරගන්න හරිම අපුරු යාළුවො තුන්දෙනෙක් මුණගැහෙනවා. ක්‍රිස්ටෝෆ් කියලා අයිස් වෙලදාම් කරන කොලු ගැටයෙක් සහ එයාගේ යාලුවා බල්ලෙක් වගේ හැසිරෙන හිම මුවා “ස්වෙන්” සමගින් හරි අපුරුතම මිතුරා, සිනමාපටයේ සිත් ඇදගන්නාම චරිතය හිම බබා “ඔලොෆ්”

ඔයා මොන වයසක හිටියත් කමක් නැහැ අනිවාර්යෙන්ම අනිවාර්යෙන්ම අනිවාර්යෙන්ම බලන්න. මේ කතාව ඔයාලට අපුරුතම විනෝදයක් ලබාගන්න පුළුවන් වෙයි කියලා මට විස්වාසයි.

ජය වේවා!!

ලිපිය උපුටා ගැනීම :- Baiscope.lk හි පලවූ ශාන් විමුක්ති [වීමා] සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Frozen (2013) Sinhala Subtitles | සිංහල උපසිරසි සමඟ appeared first on SinhalaSub.

The post Once Upon a Snowman (2020) Sinhala Subtitles | සිංහල උපසිරසි සමඟ appeared first on SinhalaSub.