සුභ දවසක් හැමෝටම!!

හෙලෝ කොහොමද ඔයාලට, වැඩි කතා නැතුව අපි එහෙනම් අද අරගෙන ආපු Film එක පැත්තට යමු…

මේ film එක කාලයක් තිස්සේ වසංගතයක් වෙලා තිබුන Covid-19 පාදක කරගෙන හැදුන Film එකක්. මැරෙන මිනිස්සු ගැන තමයි තියෙන්නේ. හැබැයි පොඩ්ඩක් ඉන්න. මේකෙ තියෙන්නේ වෛරස් එක නිසා මැරෙන මිනිස්සු ගැන කියවෙන සිද්දියක් නම් නෙමෙයි. මූණ වහගත්ත පිරිසක් මිනී මරණවා. හැබැයි නිකන් මිනිස්සුන්ව නෙමෙයි, ඒකටත් හේතුවක් තියෙනවා. අපි පොඩ්ඩක් කතාවට එබිලා බලමු..

කතාව පටන් ගන්නෙත් අර මම කිව්වා වගේ අගක් මුලක් නොතේරෙන මිනීමැරුමකින්. මේ කතාවේ ප්‍රධාන චරිත 2ක් ඉන්නවා පාකර් සහ මීරී කියලා..දෙන්නා යාළුවෝ. මෙයාලට සිද්ද වෙනවා නිරෝධායනයකට යන්න. ඉතින් පාකර් ලෑස්ති වෙන්නේ නගරෙන් ටිකක් ඈත් වුන, විලක් ලග තියෙන පාකර් ගේ පව්ලේ අයට අයිති ලස්සන ගෙදරකට නිරෝධායනයට යන්න. නිරෝධායනයට කිව්වට පාකර් නම් නිව්වඩුවකට විනෝද වෙන්න යනවා වගේ මානසිකත්වයක ඉන්නේ..කොහොමහරි මේ ගෙදරට ගියාට පස්සේ තමයි වැඩේ පටන් ගන්නේ..අර මම කිව්වා වගේ මිනීමරුවෙක් හොරෙන්ම මෙයාලගේ ගෙදරට ඇතුල් වෙනවා..ළග පාත වෙන අසල්වැසියෙක් ඇත්තෙත් නෑ..ඉන්න එකම අසල්වැසියා ඉන්නෙත් සැතපුම් 2ක් විතර දුරින්. ඉතින් මෙතනින් එහාට මම මුකුත් කියන්න යන්නේ නෑ..මේ මිනීමරුවන්ගේ බලාපොරොත්තුව මොකක්ද..ඇයි මෙයාලව target කරන්නේ…covid එක්ක මේකට තියෙන සම්බන්දේ මොකක්ද…ඔයාලම බලන්නකො..

එහෙනම් ඔයාලා හැමෝටම සිංහලසබ්නෙට් අපි ආදරයෙන් ආරාධනා කරනවා මේ චිත්‍රපටය නරඹන්න…

ජය වේවා!!

ලිපිය උපුටා ගැනීම :- Baiscope.lk හි පලවූ Rukshan Henadheera සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Sick (2022) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

ඉතින් මේ අරගෙන එන්නේ නියම විද්‍යා ප්‍රබන්ධයක්.  Artificial Intelligence එහෙම නැත්නම් කෘතිම බුද්ධිය කියන දේ ගැන මේ වෙද්දි පොඩි ළමයි පවා දන්නවා. අපි අතේ තියෙන ස්මාට් ෆෝන් එකේ තියෙන Siri, Google Assistant කියන්නේ ඒ වගේ දියුණු කරමින් පවතින කෘතිම බුද්ධීන් දෙකක්. ChatGPT වගේ දේවල් ඉඳලා තව වඩා දියුණු කෘතිම බුද්ධීන් අපිට අද දැකගන්න පුලුවන්. ෆිල්ම් පැත්තට ආවොත් Avengers: Age of Ultron (2015) එකේදි දැකපු අල්ට්‍රෝන්ගේ වැඩ මතක ඇතිනෙ? ඒ වගේම The Mitchells vs. the Machines (2021) ඇනිමේෂන් ෆිල්ම් එකේ මිනිස් රොබෝ ගැටුමත් මතක ඇති. තව ගොඩක් තියෙනව ඉතින් ලිපිය දිග වැඩි වෙන නිසා ඔතනින් උදාහරණ ටික නවත්වන්නම්.

ඒත් හදිසියේ හරි කෘතිම බුද්ධිය මිනිස්සුන්ට වඩා දියුණු වුණොත්? කවදාහරි අපිව ඒ විසින් යටත් කරගන්න උත්සහ දැරුවොත්? අපිට ඔවුන් යුධ තර්ජන කළාත්? මොන වගේ තත්වයක් උදා වෙයිද? ඒක හිතාගන්නත් බැරි තත්වයක් වෙයි නේද? මොකද නිකමට හිතන්න ඔවුන්ට අපි තාක්ෂණය හරහා කරන හැමදේටම ලේසියෙන්ම පිවිසෙන්න පුලුවන්. යුධ හමුදා ස්ථාන ගැන, ආයුධ රහස් ඇතුලු හැමදේම ඔවුන් අතට පහසුවෙන් ලැබෙනවා. හරි හමං ආරක්ෂක ක්‍රියාමාර්ග ගත්තත් නැතත් ඒකේ භයානක කමක් තියෙනවා. මොකද අපියි තාක්ෂණයයි අතර තියෙන පරතරයට වඩා තාක්ෂණයයි තාක්ෂණයමයි අතර පරතරයක් නැහැ.

හරි The Creator (2023) චිත්‍රපටය ගොඩක් දෙනෙක් හරිම ආසාවෙන් එනකල් බලාගෙන හිටපු චිත්‍රපටයක් තමයි. මේකේ ප්‍රධාන චරිතය ජොෂුවා විදිහට John David Washington රංගනයෙන් දායක වෙනවා. එයා ගැන ඉතින් කවුරුත් දන්නවා ඇතිනේ? ඔව් මේ තමයි TENET (2020) එකේ එහෙම හිටපු ඩයල් එක වගේම Denzel Washington මහතාගේ පුත්‍ර රත්නය.

මේ ච්ත්‍රපටයෙ කියවෙන කතාව බොහොම කෙටියෙන් කියන්නම්. නිර්මාටා, ඒ කියන්නේ නේපාල භාශාවෙන් නිර්මාතෘ නැත්නම් නිර්මාණකරු. මේ නිර්මාටා නමින් හඳුන්වන්නේ කවුරුත් දන්නේ නැති අභිරහස් A.I. ඒ කියන්නේ ගොඩක් දියුණු ආකාරයේ කෘතිම බුද්ධි නිර්මාණකරුවෙක්. ඔහු අලුතෙන්ම නිර්මාණය කරන තව දෙයක් තමයි සිමියුලන්ට් රොබෝවරු. ඒ කියන්නේ මිනිස් ස්වරූපය, මතකය සහ ගති ගුණ දීල⁣ හදන මිනිස්සුන්ට ඉතා ආසන්න රොබෝවරු වර්ගයක්.

හැබැයි එක දවසක් ලොස් ඇන්ජලීස්වලදි සිදු වෙන මහා න්‍යෂ්ටික පිපිරුමක් නිසා නිර්මාටාට ලොකු කරදරේකට මුහුණ දෙන්න වෙනවා. මේ පිපිරුම A.I. විසින් පුපුරවා හැරිය බවටයි මිනිස් හමුදා අංශ කියන්නේ. ඉතින් මේ නිසා A.I. තහනම් කරනවා. හැබැයි නව ආසියා ජනරජයේ ජනතාව ඇර. ඔව් නිර්මාටා ඉන්න ප්‍රදේශය පිහිටලා තියෙන තැන.

මේ යුද්ධය වෙනුවෙන් හමුදාව නෝමෑඩ් කියන ගුවනේ යානයක් විදිහට හදලා තිබෙන ප්‍රබල හමුදා ස්ථානය පාවිච්චි කරනවා. ඉතින් ගොඩක් බලවත් මිසයිල පිරුණු මේ හමුදා ස්ථානය ඔවුන් A.I. මුලිනුපුටා දැමීම වෙනුවෙන් සූදානම් කරනවා. හැබැයි මේ නිර්මාටා මේ හමුදා ස්ථාවය විනාශ කරන්න පුලුවන් ආයුධයක් මේ වන විටත් හදලා අවසන්. මේ ආයුධය මොකක්ද කියලා මම කියන්නේ නෑ ඒක ඔයාලා චිත්‍රපටයෙන්ම දකින එක වටිනවා.

ඉතින් හමුදාව ඔවුන් එක්ක ඒ කියන්නේ මිනිසුන් කෘතිම බුද්ධියට එරෙහිව කරන සටනත්, ආයුධය සොයා එය විනාශ කර, නිර්මාටා සොයාගෙන ඔහුව ඝාතනය කරන්න දරන උත්සහයත් මේ චිත්‍රපටයෙන් ඔයාලට දැක බලාගන්න පුලුවන්. මේ වෙනුවෙන් හමුදාව කෙනෙක්ව කෘතිම බුද්ධි රොබෝවරුන් සහ ඔවුන්ට සහය දෙන මිනිස්සු ගැන ඔත්තු හොයන්න යවනවා, ඒ තමයි සාජන් ජොෂුවා.

අපි බලමු සාජන් ජොෂුවා ඒක මොන විදිහට කරාවිද? ඔහු සාර්ථක වෙවිද? අවසානයේ මෙම යුද්ධයෙන් මොන පාර්ශවය ජයග්‍රහණය ලබාවිද කියලා…

ඉතින් දැක බලාගන්න මේ මිනිස් – කෘතිම බුද්ධි යුද්ධය ඔබ සැමට සිංහලසබ්නෙට් අපෙන් ආදරනීය ආරාධනා?…

ජය වේවා!!

ලිපිය උපුටා ගැනීම :- Baiscope.lk හි පලවූ එල්.සී.දමැල් සහෝදරයගෙ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post The Creator (2023) Sinhala Subtitles | සිංහල උපසිරසි සමඟ appeared first on SinhalaSub.