සුභ දවසක් හැමෝටම!!

මේ වතාවේ ඔබට ගෙන ආවේ The Pale Blue Eye (2022) නම් ත්‍රාසජනක මිනීමැරුම් විමර්ෂණ ගණයේ චිත්‍රපටයටයි. IMdb දර්ශකයේ 6.6/10ක අගයක් ලබාගත් මේ චිත්‍රපටය 2006දී මෙම නමින්ම නිකුත් වුණු Louis Bayardගේ නවකතාව පාදක කරගෙන ස්කොට් කූපර් විසින් අධ්‍යක්ෂණය කරන ලද්දක්. 2022 දෙසැම්බර් 23 මුල්වරට නිකුත් කෙරුණු අතර තෝරාගත් සිනමාහල් කිහිපයක පමණක් ප්‍රදර්ශනය කෙරුණා. අනතුරුව 2023 ජනවාරි 06 වැනිදා මෙය නෙට්ෆ්ලික්ස්හි විකාශය කෙරුණා. 2023 දී 21 වන Visual Effects Society Awards සම්මාන උළලේ Outstanding Supporting Visual Effects in a Photoreal Feature සම්මානය වෙනුවෙන් නිර්දේශ වීමටත් The Pale Blue Eye සිනමාපටය සමත් වෙනවා.

තම බිරිඳගේ මරණයෙන් අනතුරුව තදින් බීමට ඇබ්බැහි වුණු ඔගස්ටස් ලැන්ඩර් විශ්‍රාමලත් රහස් පරීක්ෂකයෙක්. 1830 ගණන්වල නිව්යෝක් වල එක්සත් ජනපද යුධ විද්‍යාලයේ සිදුවුණු බිහිසුණු මිනීමැරුමක් පිළිබඳව විමර්ෂණයක් සිදු කිරීමට විශ්‍රාමික රහස් පරීක්ෂක ඔගස්ටස් ලැන්ඩර් හට ආරාධනා ලැබෙනවා. ශිෂ්‍ය භටයෙක් වන ලෙරෝයි ෆ්‍රයි හිටිහැටියේම අතුරුදන් වන අතර ඔහුගේ දේහය මධ්‍යම රාත්‍රියක විද්‍යාලය ආසන්නයේ ගසක එල්ලෙමින් තිබියදී සොයා ගැනෙනවා. ඔහුගේ දේහය ඉවත් ගැනීමෙන් අනතුරුව විද්‍යාලයේ රෝහල් වාට්ටුවේ තිබියදීම කිසිවෙකු විසින් ඔහුගේ පපුව කපා හෘදය වස්තුව ඉවත් කරගැනෙනවා. මේ දේවල් සමඟින් ඝාතනයේ සැකය විද්‍යාලය තුලම අයෙක් විසින් කරන ලද බවට සැකයක් ලැන්ඩර් ට ඇතිවෙනවා. ඔගස්ටස් ලැන්ඩර් එම අබිරහස විසඳීමට එම විද්‍යාලයේම ශිෂ්‍ය භටයෙක් වන එඩ්ගා ඇලන් පෝගේ සහය ලබා ගනිමින් ඝාතකයා කොටු කරගැනීමට දරණ ප්‍රයත්නය මෙහි අන්තර්ගතයි. බටහිර සාහිත්‍යයේ සුප්‍රකට නවකතා කරුවෙකු, කවියෙකු වන එඩ්ගා ඇලන් පෝ 1829 වකවානුවේ නිව්යෝක්, වෙස්ට් පොයින්ට් හි එක්සත් ජනපද යුධ විද්‍යලයේ සේවයේ නියුක්තව සිටියද, මේ අබිරහස් විමර්ෂණයේ සිදුවීම The Pale Blue Eye කෘතියේ රචක Louis Bayardගේ ප්‍රබන්ධයක් ලෙසයි සඳහන් වෙන්නේ. කෙසේ වෙතත් එඩ්ගා ඇලන් පෝගේ කාව්‍ය නිර්මාණ ශක්තිය සහ කාව්‍ය නිර්මාණ වස්තුවිෂයක් ලෙස මරණය පිළිබඳව ඔහු දැක්වූ ආකල්ප මෙම නිර්මාණයෙන් හුවා දැක්වීමට ඔහු උත්සහ දරා තිබෙනවා.

සුප්‍රකට නළු Christian Bale තමයි මේ සිනමාපටයේ ප්‍රධාන චරිතය වන රහස් පරීක්ෂක ඔගස්ටස් ලැන්ඩර් ගේ චරිතය නිරූපණය කරන්නේ. Harry Potter චිත්‍රපට මාලාවේ ඩඩ්ලි ඩර්ස්ලිගේ චරිතය නිරූපණය කළ Harry Melling මෙහි එඩ්ගා ඇලන් පෝගේ චරිතය නිරූපණය කරනවා. The X Files කතා මාලාවේ ඩෙනා ස්කලී චරිතය නිරූපණය කළ Gillian Anderson මෙහි ජුලියා මාක්විස් නැමැති වෛද්‍ය බිරිඳගේ චරිතයට පණ පොවනවා. ඒ හැර අනෙක් චරිත සඳහා පහත දැක්වෙන රංගන ශිල්පින් ශිල්පිනියන් රංගනයෙන් දායක වෙනවා.

• Steven Maier ශිෂ්‍යභට ලෙරෝයි ෆ්‍රයි ලෙසින්
• Toby Jones වෛද්‍ය ඩැනියෙල් මාක්විස් ලෙසින්
• Lucy Boynton ලියා මාක්විස් ලෙසින්
• Charlotte Gainsbourg පැට්සි ලෙසින්
• Harry Lawtey ශිෂ්‍යභට ආටෙමස් මාක්විස් ලෙසින්
• Simon McBurney කපිතාන් හිච්කොක් ලෙසින්
• Hadley Robinson මැටී ලෙසින්
• Timothy Spall පාලක තේයර් ලෙසින්
• Robert Duvall ජීන් පෙපේ ලෙසින්
• Joey Brooks ශිෂ්‍යභට ස්ටොඩාඩ් ලෙසින්
• Brennan Keel Cook ශිෂ්‍යභට හන්ටූන් ලෙසින්
• Gideon Glick ශිෂ්‍යභට හොරේෂියෝ කොක්‍රේන් ලෙසින්
• Fred Hechinger ශිෂ්‍යභට රැන්ඩල්ෆ් බැලිංජර් ලෙසින්
• Matt Heim ශිෂ්‍යභට ලෙවලින් ලී ලෙසින්
• Jack Irving ශිෂ්‍යභට හැමිල්ටන් ලෙසින්
• Charlie Tahan ශිෂ්‍යභට ලෆ්බරෝ ලෙසින්

එසේනම් මේ රසවෑහෙන සිනමා නිර්මාණය සිංහල උපසිරැසි සහිතව නැරඹීමට ඔබට ආරාධනා කරනවා. එසේනම් නැවතත් ෆිල්ම් එකකින් හමුවන තුරු ඔබ සැමට ආයුබෝවන්! තෙරුවන් සරණයි!!

ජය වේවා!!

ලිපිය උපුටා ගැනීම :- Baiscope.lk හි පලවූ ප්‍රබුද්ධ කේසර විතානගේ සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post The Pale Blue Eye (2022) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

හරි අපි අද ෆිල්ම් එකට යමු එහෙනම්,

ඉන්ඩියානා ජෝන්ස් චිත්‍රපට මාලාව කියන්නේ ලෝකේ පුරාම ප්‍රේක්ෂකයන්ගේ ආදරය දිනාගත්ත චිත්‍රපට මාලාවක්. ජනප්‍රිය චිත්‍රපට නිෂ්පාදකයෙක් වෙන George Lucas සහ සුප්‍රසිද්ධ Steven Spielberg විසින් අධ්‍යක්ෂණය කරපු මේ චිත්‍රපට මාලාව පුරාවිද්‍යාව, ඉතිහාසය සහ ක්‍රියාදාම මිශ්‍ර වුණ අනර්ඝ ගණයේ නිර්මාණයක්.Harrison Ford විසින් රඟපාන මෙහි ප්‍රධාන චරිතය වෙන ආචාර්ය හෙන්රි “ඉන්ඩියානා” ජෝන්ස් ජූනියර්, චරිතය ලොව පුරා නරඹන්නන් අතර ඉහළම තැනක ඉන්නවා.

එදා සහ අද

1.Raiders of the Lost Ark (1981)

1930 ගණන්වල පසුබිම් වූ මේ චිත්‍රපටය අපිට මුලින්ම ඉන්ඩියානා ජෝන්ස් කියලා පුරාවිද්‍යාඥවරයෙක්ව හඳුන්වලා දෙනවා. දකුණු ඇමරිකාවේ වනාන්තරවල ඉදලා ඊජිප්තුවේ කාන්තාර දක්වා අපිව මේ චිත්‍රපටියෙදි අරගෙන යනවා.

2.Indiana Jones and the Temple of Doom (1984)

ඉන්දියාවේ ආගමික ඇදහිල්ලකට විරුද්ධව සටන් කරන මේ කතාව අපිටත් වැදගත්කමක් තියෙනවා. මොකද චිත්‍රපටියේ සමහර දර්ශන ලංකාවේ රූපගත කරලා තියෙනවා වගේම ජේෂ්ඨ ලාංකීය නලු නිළියන් කීපදෙනෙක්ම රංඟනයෙන්ද දායක වෙනවා. විශේෂම දේ වෙන්නේ සිංහල දෙබස් කීපයක්ද අඩංගුවෙන එක

3.Indiana Jones and the Last Crusade (1989)

අපේ වීරයාගේ චරිතයේ තාත්තාව දැකගන්න අපිට මේ චිත්‍රපටියෙන් හැකියාව ලැබෙනවා. තවත් ශ්‍රේෂ්ඨ වික්‍රමාන්විත ගමනක් මේ චිත්‍රපටියෙන් දැකගන්න පුලුවන්.

4.Indiana Jones and the Kingdom of the Crystal Skull (2008)

අවුරුදු 19කට ආසන්න දිග විරාමයකින් පස්සේ අපේ ඉන්ඩියානා ආයෙත් කරලියට එනවා. 1950 ගණන්වල පසුබිම් වූ මේ චිත්‍රපටය පළිඟු හිස් කබල් පිළිබඳ පුරාවෘත්තයක් ගැන කතා කරනවා.

අවුරුදු ගාණක කතා බහකට පස්සේ ආයෙත් අවුරුදු 15කින් Indiana Jones ආයෙත් මතුවෙනවා 2023දී.

5.Indiana Jones and the Dial of Destiny (2023)

අද අරගෙන ආව අලුත්ම Indiana Jones ෆිල්ම් එක තමා මේ. දැන් නම් අපේ නලුවා සෑහෙන්න වයසයි. දැක්කම හරි අමුතුයි මුල ඉඳලම Indiana Jones රසිකයෝ වුණ අපිට. ඒත් ඉතින් කාලය බලපුවාම සාමාන්‍ය දෙයක් නේ. පලවෙනි ෆිල්ම් එක රිලීස්වෙලා දැනට අවුරුදු 42කට ආසන්න කාලයක් වෙනවනේ. මං මුලින්ම හිතුවෙ දැන් වයසත් නිසා ෆිල්ම් එකේ ලොකු දෙයක් නැතිවෙයි අලුතින් එන හැම ෆිල්ම් එකක් වගේම වෙයි කියලා. ඒත් බැලුවාම තමා තේරුනේ මං සම්පූර්ණෙන්ම වැරදි කියලා. වයස අදාල නෑ කතාවට. සුපිරිම ස්ටෝරියක්.ආයේ කියන්න දෙයක් නෑ පරණ Indiana Jones ෆිල්ම් වල තිබ්බ ඒ ගැම්ම ඒ විදිහටම තියෙනවා.

කතාව කියන්නේ නෑ ඒක ඔයාලගේ රසවින්දයනට බාධාවක් නිසා. කමෙන්ට් එකක් දාලා ෆිල්ම් එකත් පහළින් අරන් බලලා රසවිදින්න කියලා ඔයාලගෙන් ඉල්ලනවා.

අන්තිමට කියන්න තියෙන්නේ Indiana Jones වගේ කතාවක් ආයේ නිර්මාණය වෙන්නේ නැතිවෙයි. හුඟාක් දුරට ආයේ Indiana Jones ෆිල්ම් එකකුත් එන්නේ නැතිවෙයි. ඉන්ඩි සඳහටම අපේ හදවතේ පුරාවිද්‍යාඥයා වේවී.

ජය වේවා!!

ලිපිය උපුටා ගැනීම :- Cineru.lk හි පලවූ සුපුන් සදීප සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Indiana Jones and the Dial of Destiny (2023) Sinhala Subtitles | සිංහල උපසිරසි සමඟ appeared first on SinhalaSub.

The post Tetris (2023) Sinhala Subtitles | සිංහල උපසිරසි සමඟ appeared first on SinhalaSub.