සුභ දවසක් හැමෝටම!!

මේ චිත්‍රපටියට කලින් තව චිත්‍රපටි දෙකක් ඇවිත් තියෙනවා. ඒ Pitch Black (2000) සහ The Chronicles of Riddick (2004) යන චිත්‍රපටියි. හරි එහෙනම් චිත්‍රපටිය දිහාවට හැරෙමු.

රිඩික් (Riddick) කියන්නේ බ්‍රිතාන්‍ය සම්භවයක් ඇති ඇමරිකානු විද්‍යා ප්‍රභන්ධ චිත්‍රපටියක්. The Chronicles of Riddick කියන චිත්‍රපටි පෙලේ තුන්වෙනි චිත්‍රපටිය. මේ චිත්‍රපටිය නිෂ්පාදනය කරන්නේ, මෙම චිත්‍රපටියේ ප්‍රධාන චරිතය රඟපාන Vin Diesalම තමයි. එතකොටම මේ Riddick කතාව ලියන්නේ සහ අධ්‍යක්ෂණය කරන්නේ David Twohy කියන කෙනයි. මෙයාම තමයි Pitch Black සහ The Chronicles of Riddick කියන චිත්‍රපටිත් රචනය කරේ වගේම අධ්‍යක්ෂණය කරෙත්. මේ චිත්‍රපටිය ප්‍රදර්ශණයට පැමිණියේ 2013 සැප්තැම්බර් 4 වෙනිදා. ඒ එක්සත් රාජධානියේ සහ අයර්ලන්තයේදීයි. ඇමරිකාවේ මේ චිත්‍රපටිය ප්‍රදර්ශණය ආරම්භ වුනේ 2013 සැප්තැම්බර් 6 වෙනිදා. කියවෙන විදිහට එක්සත් රාජධානියේදී 2014 ජනවාරි 13වෙනිදාලු DVD එකයි Blu-ray එකයි පිටත් වෙන්නේ.

මේ රිඩික් චිත්‍රපටියට ප්‍රසිද්ධ නලු නිලියන් කිහිප දෙනෙක්ම එකතු වෙනවා. ප්‍රධාන චරිතයට පණ පොවන්නේ Vin Diesal. තව එතකොට කවුරුත් දන්න WWE වීරයෙක් වන Batistaත් මේකේ චරිතයකට පණ පොවනවා.

2013 ඔක්තෝම්බර් 20වෙනිදා වෙනකොට රිඩික්හි ආදායම උතුරු ඇමරිකාවේ විතරක් ඩොලර් 42,025,135ක් වුනා. ඒවගේම අනිත් රටවල් වල මුලු ආදායම ඩොලර් 51,603,759ක ආදායමක් වුනා. මුලු ලෝකයේම ආදායම වුනේ ඩොලර් 93,628,894ක්. උතුරු ඇමරිකාවේ මේ රිඩික් චිත්‍රපටිය ප්‍රදර්ශණය කරන්න පටං ගත්ත මුල් සතිය ඇතුලතදී විතරක් ඩොලර් 19,030,375ක් හොයල තියෙනවා. කතාව මෙහෙමයි.

රිඩික්ගේ වර්ගයේම අය ඔහුට ද්‍රෝහි වෙලා එක විනාශ වීගෙන යන ලෝකයක අතරමං කරලා දානවා. රිඩික් ඒ ලෝකයේ ඉන්න පිටසක්වල විලෝපිකයන් සමඟ සටන් වදිනවා තමන්ගේ ජීවිතය වෙනුවෙන්. ඒවගේම නෙදටත් හිටියටත් වැඩිය ඔහු ශක්තිසම්පන්න අතින් වැඩිවෙනවා. රිඩික්ව ගෙනත් දෙන කෙනෙකුට විශාල ත්‍යාගයක් දෙනවා කියන නිසා, මේ ත්‍යාගය ගන්න බලාපොරොත්තුවෙන් රිඩික්ව හොයාගෙන දඬයක්කාරයෝ වගයක් මේ රිඩික් ඉන්න ලෝකෙට එනවා. ඒවගේම තවත් දඬයක්කාරයෝ පිරිසක් එනවා. හැබැයි ඔවුන් එන්නේ ත්‍යාගය වෙනුවෙන් නෙමෙයි. ඒ රිඩික් ඒ කණ්ඩායමේ නායකයාගේ පුතාව මැරුවා කියන චේතනාව මත රිඩික්ගෙන් පළිගන්නයි ඔවුන් එන්නේ. ඉතින්, කතාව දිවයන්නේ රිඩික් මොවුන්ගෙන් බේරිලා, ඒ වගේම මේ ලෝකේ ඉන්න විලෝපිකයන්ගෙන් බේරිලා, තමන්ගේ ජීවිතය උදෙසා පළිගැනීම ආරම්භ කරන හැටි ගැනයි. ඉතින් රිඩික්ට මොකක් වෙයිද, ඒ වගේම මේ ආපු කණ්ඩායම් රිඩික්ට මොනවා කරයිද, රිඩික් මේ ලෝකෙන් යයිද, නැත්නම් මොනවා වෙයිද, මොන වගේ විලෝපික ගොඳුරු වලට මොවුන්ට මුහුණ දෙන්න වෙයිද. බලන්න කියලා ආරාධනා කරනවා චිත්‍රපටිය.

“මම දන්නේ නැහැ කොපමණ වතාවක් මරණයේ ලැයිස්තුවට මාව යෝජනා වෙලා, එයින් මාව ඉවත් කරලා තියෙනවද කියලා. ඒ නිසා… මට මේ සිඳුවීමත් ලොකු දෙයක් නෙමෙයි.”

නරඹන්න… රිඩික්… ජීවිත වෙනුවෙන් පළිගැනීම ආරම්භ කරන වීරයා. පේන විදිහට මේ කතා මාලාවේ 4වෙනි කොටස සහ 5ස් වෙනි කොටසුත් ඔන්න ලඟ ලඟම එනවලු. එතකං බලාන ඉමු නේ?

මෙහි පළමු කොටස සහ දෙවන කොටස නැරබිමට මේ පින්තූර උඩ ක්ලික් කරන්න.

Pitch Black (2000)

The Chronicles Of Riddick (2004)

ජය වේවා!!

ලිපිය උපුටා ගැනීම :- Baiscope.lk හි පලවූ චලිදු දේශන් (කිනා) සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Riddick (2013) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේ බයිස්කොප් එක ගැන අමුතුවෙන් කියන්න දෙයක් නැහැනේ මෙකේ ප්‍රධාන චරිතයට පණ පොවන්නෙ ඔයාල කවුරුත් වගේ ආදරය කරන ෆාස්ට් ඇන්ඩ් ෆියුරියස් චිත්‍රපටයේ සුපිරි වැඩ කරු වින් ඩීසල් නේ.

මේ බයිස්කොප් එකට imdb මීටරයේ හොද අගයක් හිමිවෙලා තිබෙනවා ඒ 6.6 ක් මගේ මතය හැටියට නම් මේකට තවත් ඉහල අගයක් හිමි වෙන්න ඕන, මේ සුපිරි බයිස්කොප් එක අධ්‍යක්ෂනය කරලා තියෙන්නෙ david thohy අධ්‍යක්ෂකවරයා මොහුම තමයි රිඩ්ඩික් පලමු කොටසත් අධ්‍යක්ෂනය කලේ. එහෙනම් වැඩි කතා නැතිව අපි කථාව පැත්තට යමු කෝ.

මේ කථාව ආරම්භයේදිම රිඩ්ඩික්ව කොටු කර ගන්න පස් දෙනෙකු ගෙන් යුත් කණ්ඩායමක් එනවා රිඩ්ඩික් ඒ කණ්ඩායමට පහර දිලා ඔවුන් ගේ යානාවත් රැගෙන හෙලන් ප්‍රයිම් නැමති ග්‍රහා ලෝකයට යනවා ඒ ඔහු ගේ පැරණි මිත්‍රයව හමුවෙන්න ඔයාලට මතක ඇතිනේ පලමු චිත්‍රපටයෙදි රිඩ්ඩික් අර පිස්සු සත්තු න් ගෙන් ජිවතය බේරගෙන රැගෙන ගිය ඉමෑම් පියතුමා රිඩ්ඩික් එහි යන්නෙ ඉමෑම් පියතුමා බලන්න විතරක් නෙමෙයි අර පලමු චිත්‍රපටයෙ හිටපු කොල්ලෙක් විදියට වෙස්වලාගෙන හිටපු පුංචි කෙල්ල ඇයව හමුවෙන්නත් එක්ක නමුත් රිඩ්ඩික් හෙලන් ප්‍රයිම් වලට යන විට හෙලන් ප්‍රයිම් වලට නික්‍රෝමොන්ගර්ස්ලා නමින් හදුන්වන ජන කොට්ටාශයක් හෙලන් ප්‍රයිම් යටත් කර ගැනිමට පැමිණිමෙන් සිටින්නෙ ඔවුන් ගෙන් ජිවතය ගලවා ගැනිමට නම් ඔවුන් ගේ ආගම වැලද ගන්න වෙනවා එහෙම නොකරන ඕනැම කෙනෙකුට හිමි වෙන්නෙ මරනය එහිදි රිඩ්ඩික් දැන ගන්න ලැබෙනවා ඒ පුංචි කෙල්ල හෙලන් ප්‍රයිම් වලින් ඔහුව සොයාගෙන පිටව ගිහිල්ලා කියලා.

ඔය අතර තුර ඉමෑම් මරණයට පත් වෙනවා නික්‍රෝමොන්ගර්ස්ලට අසු වීමෙන් ඔය අතර වාරයේදි රිඩ්ඩික් නික්‍රෝමොන්ගර්ස්ලත් එක්ක අවුලක් ඇති කර ගෙන එතනින් පැන ගන්නවා එහිදි රිඩ්ඩික් නැවතත් අර නරක හාදයට අසුවෙනවා රිඩ්ඩික් කලිනුත් කොටු කර ගන්න ආපු ඉන්පසු රිඩ්ඩික්ව රැගෙන යනවා ක්‍රිමටෝරියා නැමති සිරගෙදරකට එහිදි රිඩ්ඩික්ට හමුවෙනවා පුංචි කෙල්ලව හැබැයි දැන් නම් ඇය කලින් හිටියා වගේ නෙමෙයි ගොඩාක් වෙනස් ඇය ගේ නමත් වෙනස් වෙලා නමුත් රිඩ්ඩික්ට නික්‍රෝමොන්ගර්ස්ලගෙන් නම් ගැලවීමක් ලැබෙන්නෙ නැහැ ඔවුන් ඔහුව සොයා ගෙන එම ග්‍රාහාලෝකයටත් පැමිණෙනවා, නික්‍රෝමොගර්ස්ල ගේ සේනාධිපති රිඩ්ඩික්ට හොදටම බය වෙලා ඉන්නෙ. ඒ මොකද කියලා දැන ගන්න නම් ඔයාලට මේක බලන්නම වෙනවා.

මෙහි පළමු කොටස සහ තුන්වන කොටස නැරබිමට මේ පින්තූර උඩ ක්ලික් කරන්න.

Pitch Black (2000)

Riddick (2013)

බලලා යන ගමන් පොඩි අදහසකුත් කොටලා යන්නකො එහෙනම්…

ජය වේවා!!

ලිපිය උපුටා ගැනීම :- Baiscope.lk හි පලවූ යුශාන් පීයුමාල් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post The Chronicles of Riddick (2004) Sinhala Subtitles | සිංහල උපසිරසි සමඟ appeared first on SinhalaSub.

සුභ දවසක් හැමෝටම!!

මේක ගැන මම ඔයාලට අලුතින් කියන්න ඕන නැහැනේ. මේක ඉතින් පට්ටම එකක් කිව්වොත් නිවැරිදියි, මොකද කිව්වොත් මේකෙ ප්‍රධාන චරිතයට පණ පොවන්නෙ සුප්‍රසිද්ධ නලු vin diseal. ඔහු ගැන මම ඔයාලට අලුතින් කියන්න ඕන කරන්නෙ නැහැනෙ.

මේ බයිස්කොප් එක අධ්‍යක්ෂණය කරලා තියෙන්නෙ david thohy විසින්, ඒ වගේම මේකට imdb මීටරයේ 7.1 ක අගයක් ලැබිලා තියෙනවා ඔයාලට මේක බැලුවම තේරුම් ගන්න පුලුවන් ඒ ඇයි කියලා, මම තවදුරටත් මේ ගැන පම්පොරි ගගහා ඉදලා පලක් නැහැනේ. ඔන්න එහෙනම් අපි කතාව පැත්තට පොඩ්ඩක් ඔලුව දාලා බලමුකෝ….

මේ කතාව ගලා යන්නෙ රිඩ්ඩික් නම් සිරකරුවෙක් වටා. රිඩ්ඩික් කියන්නෙ රිඩ්ඩික් කියන්නෙ ඔයාල කවුරුත් දන්න සුපිරි නලු වින්ඩිසල්, මෙහිදි රිඩ්ඩික්ව ප්‍රවාහනය කරනු ලබමින් පවතිනවා සලාම් නමින් හදුන්වන සිර කදවුරකට. නමුත් ඔහුව ප්‍රවාහනය කරන්නෙ සමාන්‍ය ජනාතාව ගමන් කරන යානාවක. මෙහෙදි හදිසියේම වගේ යනාවේ හට ගන්නා දෝෂයක් නිසා යනාව කඩා වැටෙනවා වෙනත් ග්‍රහාලෝකයකට. එහිදි යානයේ ගමන් කරමින් සිටි කිහිප දෙනෙක් මිය යනවා. ඒ අතර යානාවේ කපිතානුත් මේ අනතුරින් මිය යනවා. නමුත් මේ අනතුරින් රිඩ්ඩික්ට නම් කිසිම කරදරයක් වෙන්නෙ නැහැ. රිඩ්ඩික් විතරක් නෙමෙයි තවත් කිහිප දෙනෙක් මේ අනතුරින් දිවි බේර ගන්නවා. නමුත් මේ ග්‍රහා ලෝකය පොඩ්ඩක් විතර අමුතු එකක්. පොඩ්ඩක් විතර කිව්වට ඒක එහෙමම නෙමෙයි. මම ඒ මොකද කියලා කියන්න යන්නෙ නම් නැහැ. ඔයාලට මේක බලනකොට හිතා ගන්න පුලුවන් මම එහෙම් කිව්වෙ මොකක් නිසාද.

ඒ විතරක් නෙමෙයි මේ ග්‍රහා ලෝකයට රාත්‍රි කාලයක් ඇති වෙන්නෙ නැහැ…. හදිසියෙම වගේ රිඩ්ඩික් තමාව සිර කල සිටි තැනින් පැන ගන්නවා. ඔය අතර තුර සීක් නැමති පුද්ගලයෙක් අභිරහස් ලෙස මිය යනවා. ඒකට කොටුවෙන්නෙත් රිඩ්ඩික්ව. නමුත් ඒක කලේ රිඩ්ඩික් නම් නෙමෙයි. ඔය හැම සිදු වීමක් වෙන අතර තුර හදිසියේම වගේ සුර්‍යා ග්‍රහානයක් ඇති වෙනවා. එහිදි මුලු ග්‍රහා ලෝකයම අන්ධකාරයෙන් වැසි යනවා. ඒ අතර තුර අමුතු සතුන් විශේෂයක් මතු වෙන්න පටන් ගන්නවා…… මම තවදුරටත් ඔයාලට මේක ගැන කියන්න යන්නෙ නැහැ. මොකද එහෙම වුනොත් මම ඔයාලට මුලු කතාව ගැනම කිව්වා වගෙ වෙනවා.

මේ සතුන් ගෙන් රිඩ්ඩික් ඇතුලු පිරිසට දිවි ගලවා ගන්න පුලුවන් වේවිද? රිඩ්ඩික් ඇතුලු පිරිසට මේ ග්‍රහා ලෝකයෙන් පැන ගන්න පුලුවන් වේවිද ? ඔවුන් මේ ග්‍රහා ලෝකයෙන් පැන යන්නෙ කෙසේද? මේ ගැටලු වලට පිලිතුරු සොයා ගන්න නම් ඔයාලට මේ බයිස්කෝප් එක නරබන්නම වෙනවා. මේක බලනගමන් වෙනදා වගේම පොඩි කොමෙන්ටුවකින් සංග්‍රහා කරන්න කියලා ඉල්ලනවා…

මෙහි දෙවන කොටස සහ තෙවන කොටස නැරබිමට මේ පින්තූර උඩ ක්ලික් කරන්න.

The Chronicles Of Riddick (2004)

Riddick (2013)

ජය වේවා!!

ලිපිය උපුටා ගැනීම :- Baiscope.lk හි පලවූ යුශාන් පීයුමාල් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Pitch Black (2000) Sinhala Subtitles | සිංහල උපසිරසි සමඟ appeared first on SinhalaSub.

හැම කෙනෙක්ටම සුබ දවසක්! හැමෝම හොඳින් ඉන්නවා ඇති කියල හිතනව. ?

ඔන්න එහෙනම් ගොඩක් දෙනෙක් බලාගෙන හිටිය තවත් මුවි එකක් අරගෙන ආව. මේ තමයි මාවල් සිනමා විශ්වයේ 32වැනි සිනමාපටය. ඒ වගේම Jon Watts විසින් අධ්‍යක්ෂණය කල ස්පයිඩර් මෑන් සිනමාපට ත්‍රිත්වයත් Peyton Reed විසින් අධ්‍යක්ෂණය කල ඈන්ට් මෑන් සිනමාපට ත්‍රිත්වයත් හැර එකම අධ්‍යක්ෂකවරයෙකු විසින් මාවල් සිනමා විශ්වයේ සිනමාපට ත්‍රිත්වයක් (Trilogy) අධ්‍යක්‍ෂණය කල තෙවැනි අවස්ථාව තමයි මේ ජේම්ස් ගන් විසින් ගාඩියන්ස් සිනමාපට ත්‍රිත්වය අධ්‍යක්ෂණය කිරීම.

ගොඩක් වෙලාවට ආපහු මෙහෙම වෙන එකකුත් නැතිවෙයි මයේ හිතේ. මේකත් ජේම්ස් ගන්ගෙන් ගැලවිලා ආපහු ලැබුණු සිද්ධිය මතක ඇතිනේ. ඒ වගේම මම පුදුම වුණ කාරණේ තමා පලවෙනි වතාවට මාවල් සිනමා පටයක F වචනය අඩංගු වීම. යකො සිරාවටම මේ වචනේ මේකට දැම්මද කියල හිතුනා. හැබැයි ඒ වචනේ එතනට නොදාත් බැහැ  ?

මේ තමා මෑත කාලීනව මාවල් සිනමා විශ්වයට අදාලව නිකුත් කරපු ෆිල්ම් වලින් හොඳම ෆිල්ම් එක. ආයේ දෙකක් නැතුව රෙකමන්ඩ් කරන්න පුළුවන් මේක. කට්ටියටම මාවල් සිනමාවේ ඉස්සර තිබුණු ගතිය නැතිවෙලා කියල හිතෙනවා නම් ඔන්න ඒ අඩුව පුරවගන්න මේක තමා සුපිරිම භාණ්ඩේ. මේ ලිපිය ලියන මොහොත වෙනකොට මේ සිනමාපටය සඳහා 8.2ක imdb අගයක් ලැබිල තියෙනව. ඒ අගය අනුව මේ සිනමාපටය IMDB Top 250 ලයිස්තුවේ 167වෙනි ස්ථානය දිනාගෙන තියෙනව. ඒ විතරක් නෙමෙයි RT වෙබ් අඩවියේ 82%ක විචාරක අගයකුත්, 95%ක ඕඩියන්ස් අගයකුත් ලබාගන්න මේ සිනමාපටය සමත් වෙලා තියෙනව. ඒ වගේම ඉතාම යහපත් අන්දමින් ලොව වටා තවමත් මෙම සිනමාපටය තිරගත වෙමින් පවතිනවා.

ඉතින් මේකේ කතාව 1000%ක් තේරුම් ගන්න නම් මාවල් විශ්වයට අදාළ සිනමාපට පෙළ සහ අඩුම තරමින් 100%ක් තේරුම් ගන්න නම් මෙම සිනමාපටයට අදාළ මුල් සිනමාපට ද්විත්වය වන, Guardians of the Galaxy Vol. 1 (2014) සහ Guardians of the Galaxy Vol. 2 (2017) නරඹල තියෙන්න ඕනා. හැබැයි මෙහෙමයි, ඔය මොකුත් නොබැලුවා කියල අවුලක් නැහැ අපේ තිසර සහෝදරයා පහලින් ලබා දීල තියෙන කොමික් ආශ්‍රිත විස්තරය බැලුවට පස්සේ නම් සියල්ල සක්සුදක් සේ පැහැදිලි කරගන්නත් පුළුවන්. ?

එහෙනම් ඉතිං මේකේ වැඩි විස්තර කියවන්න සහ දැනගන්න ආස අය තව පොඩ්ඩක් පහලට ගිහින් තිසර සහෝගේ ලිපිය කියවල තව විස්තර දැනගන්න. කතාවට එකතු වෙන අලුත් චරිත, පහුගිය දේවල් මේකට සම්බන්ධ වෙන හැටි ආදී සියල්ලම පාහේ ඒ ලිපියෙන් ඔයාලට දැනගන්න පුළුවන්. එහෙනම් ඉතිං උපසිරසත් එක්ක ෆිල්ම් එක බලන්න ඔයාලට පුළුවන් ඔන්න. විශේෂයෙන්ම මේකේ ක්‍රෙඩිට් සීන් දෙකක් තියෙනව. මේ කැමරා කොපියේ ඒ ක්‍රෙඩිට් සීන් දෙකත් ඇතුලත් වෙලා තියෙනවා. අනිවාර්යෙන්ම ඒ දෙකත් බලන්න.

තිසර නියෝ සහෝදරයාගේ ලිපිය

මේ අරන් ආවේ Guardians of the Galaxy ටීම් එකේ කොමික් පැත්ත ගැන පොඩි විස්තරයක්. ඉතින් වැඩි කතා නැතුව ඒ ගැන බලමු අපි.

Guardians of the Galaxy කියන්නේ Marvel Comics විසින් ප්‍රකාශයට පත් කරපු සුපිරි වීර කණ්ඩායමක්. Guardiansලා මුලින්ම පෙනී හිටියෙ Marvel Super-Heroes #18 (1969 ජනවාරි) කොමික් එකෙන්. ආරම්භක ටීම් එකේ හිටියේ Vance Astro, Martinex T’Naga, Captain Charlie-27, සහ Yondu Udonta. පස්සෙ ස්ටාකර් ඔගෝර්ඩ්, ඇලෙටා ඔගෝර්ඩ් සහ නිකීද මේ ටීම් එකට ඇතුළත් උනා. හැබැයි මෙයාලා අයිතී උ⁣නේ Earth 691වල 31වෙනි සියවසට. (ප්‍රධාන යුනිවර්ස් එක Earth 616 කියල දන්නවනෙ ඔයාලා)

Dan Abnett සහ Andy Lanning ලියපු cosmic Annihilation එකෙන් තමයි කොස්මික් සුපර්හීරෝ ටීම් එක earth 616 වලට අරන් ආවේ. ඒ 2008 අප්‍රේල් ආපු Annihilation: Conquest #6 කලාපයෙන්. 2008 ජූලි ආව Guardians of the Galaxy vol 2 #1 කලාපයෙන් මෙයාල නිල වශයෙනම ගාඩියන්ස් ඔෆ් ද ගැලැක්සි කියල නම් කෙරුනා.

Earth 616 වල ටීම් එක නිර්මාණය කරලා තියෙන්නේ Annihilation Conquest හි සිදුවීම් වලින් පස්සේ. පලවෙනි ටීම් එක තමයි Adam Warlock, Drax the Destroyer, Quasar (Phyla), Gamora, Starlord, Mantis, Groot සහ Rocket Raccoon ය. Annihilation Wave, Ultron සහ Phalanx ගේ ක්‍රී අධිරාජ්‍යයේ ආක්‍රමණයෙන් පස්සෙ විශ්වයේ සාමය බලාගන්න තමයි පීටර් කුයිල් මේ ටීම් එක හදාගන්නෙ.

Knowhere කියන තැන මූලස්තානය කරන් තමයි පීටර් මේ ටීම් එක හදාගන්නේ. පීටර් එයාගේ සහයකයා උන Nova (aka හියුමන් රොකට්) ගේ උපදෙස් අනුව තමයි නෝවෙයා වලට ආවේ. ඔහුගේ කණ්ඩායම සඳහා පීටර් ෆැලන්ක්ස් ආක්‍රමණය අතරතුර ක්‍රී අධිරාජ්‍යය සඳහා විශේෂ මෙහෙයුම් වල සේවය කළ හිටපු කණ්ඩායම් සගයන් සහ පෙර වරදකරුවන් උන අපරාධකරුවන් බඳවා ගත්තා.

ආයුධ විශේෂඥ සහ උපායශීලී දක්ෂ Rocket සහ සයිකික් පවර්ස් තියෙන Mantis එකතු කරගත්තා. ඒ වගේම පීටර් ඔහු කලින් සිද්දි වලදි වෙන් කරල තිබ්බ ක්වාසර් නම් විශ්වයේ ආරක්ෂකයා සහ ක්වොන්ටම් බෑන්ඩ්ස් හිමිකරු වෙච්ච phyla-vell එකතු කරගත්තා. ඒ වගේම නැවත ඉපදුන Adam Warlock, මන්දාකිනියේ භයානකම කාන්තාව ලෙස ප්‍රසිද්ධියට පත් වූ මාරාන්තික ඇසසින් කෙනෙක් වෙච්ච Gamora සහ Drax the Destroyer එකතු කරගත්තා.

පස්සෙ කාලෙක හෙලි වෙනව පීටර් විසින් මැන්ටිස්ගේ සයිකික් පවර් යූස් කරල ටීම් එකට කට්ටිය එකතු කරගන්නවා කියල. මෙික මුල් ටීම් එක වෙන් වීමට හේතුවක් වෙනව. ඔහොම ඔහොම ටීම් එකේ කතාව දිගින් දිගට යනවා. ඒවා කියලා ඔයාලව කම්මැලි කරන්න ඕනි නෑනෙ. සබ් එකත් එක්කම ෆිල්ම් එක බලන්නයි තියෙන්නේ දැන්.

ලිපිය උපුටා ගැනීම :- Baiscopelk.com හි පලවූ ශාන් විමුක්ති [විමා] සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

 

The post Guardians of the Galaxy Vol. 3 (2023) Sinhala Subtitles | සිංහල උපසිරසි සමඟ appeared first on SinhalaSub.

Guardians of the Galaxy Vol. 2 (2017) Sinhala Subtitles

Guardians of the Galaxy තමයි MCU එකේ එහෙමත් නැත්නම් මාර්වල් සිනමා විශ්වයේ දෙවෙනි සමූහ වීර සිනමාපටය. මුලින්ම අපි කොමික් පැත්ත ගැන ටිකක් බලමුකෝ. Guardians of the Galaxy කණ්ඩායම මුලින්ම හඳුන්වා දෙන්නේ 1969 දී Marvel Super-Heroes #18 වෙනි කලාපය තුලින්. පසුව විවිද මාර්වල් කොමික් කීපයක් මගින් මේ කණ්ඩායම ඉදිරිපත් කරා. Marvel Two-In-One #4–5 (July–Sept. 1974) සහ Giant Size Defenders #5 සහ Defenders #26–29 (July–Nov. 1975). පසුව මේ කණ්ඩායම Marvel Presents #3–12 (Feb. 1976 – Aug. 1977) පැමිණියා. Thor Annual #6 (1977), The Avengers #167–177 (Jan.–Nov. 1978) සහ #181 (March 1979), Ms. Marvel #23, Marvel Team-Up #86 (Oct. 1979), සහ Marvel Two-in-One #61-#63 & #69 (Nov. 1980) මගින් පැමිණි මේ කණ්ඩායම 1980 දී තමන්ගේම කොමික් කතාවක් ලෙසින් Guardians of the Galaxy #1 ලෙස ඉදිරිපත් උනා.

හැබැයි මුල්ම කණ්ඩායම උනේ අපි මේ වෙනකොට MCU එකේ දන්නා සෙට් එකනම් නෙවෙයි. Major Vance Astro, Major Vance Astro, Martinex, Yondu තමයි මුල්ම ගාඩියන් කණ්ඩායම උනේ. Starhawk, Nikki, Aleta Ogord, Replica, Talon, Yellowjacket, Geena Drake පසුව මෙම කණ්ඩායමට එකතු උනා, MCU ඒක ගැන කතා කරද්දී ඉතින් මේ කණ්ඩායම ගැන කතා කරලා වැඩක් නැහැනේ.. ඉතින් අපි බලමු MCU එකට අදාළ කරගත්තු 2008 දී එළිදක්වපු කණ්ඩායම ගැන. “Annihilation: Conquest” #6 (April 2008) තුලින් තමයි මේ කණ්ඩායම මුලින්ම එළිදක්වුවේ. පසුව 2008 මැයි මාසයේදී Guardians of the Galaxy vol. 2, #1 එළිදක්වනු ලැබුවා.. 2008 එළිදැක්වුණු මෙම දෙවන අදියරේ කතා මාලාව තුලින් තමයි අපි දන්නා කියන ඩ්‍රැක්ස්, ගමොරා, ගෘට්, ස්ටාර් ලෝර්ඩ්, රොකට් රැකූන් ඇතුළු කණ්ඩායම ඉදිරිපත් උනේ.

2014 දී පැමිණි Guardians of the Galaxy සිනමාපටය අති සාර්ථක වූවා. ඩොලර් මිලියන 770 ට අධික අදායමක් ලද මෙය James Gunn ගේ අධ්‍යක්ෂණයක්… විශේෂයෙන්ම Awesome Mix Vol. 1 නමින් පැමිණි ගීත මාලාව තුලින් සිනමාපටය අතිශය ජනප්‍රියත්වයට පත් වුනා.. ඉතින් මේ සාර්ථකත්වය නිසාම Awesome Mix Vol. 2 ගීත මාලාව සහිතව Guardians of the Galaxy Vol. 2 නිර්මාණය උනා. ජේම්ස් ගන් ම තම මේකෙත් අධ්‍යක්ෂණය. සිතුව විලසම සාර්ථක වෙමින් මේ වන විට ඇමරිකානු ඩොලර් මිලියන 860 ට අධික අදායමක් ලබාගෙන තියෙනවා. මේ අවුරුද්දේ දැනට තෙවෙනියට වැඩිම අදායම ලද සිනමාපටය මෙයයි.

ජේම්ස් ගන් සමඟ සංගීත අධ්‍යක්ෂණය කළ Tyler Bates දෙදෙනා විසින් තමයි මෙහි ගීත ඇල්බමය තෝරා තිබෙන්නේ. බොහෝ දෙනා පවසන විදියට පළමු සිනමාපටයේ Awesome Mix Vol. 1 වලටත් වඩා Awesome Mix Vol. 2 සාර්ථක ගීත ඇල්බමයක් බවයි. සුපුරුදු විදියට ක්‍රිස් ප්‍රේට්, සෝ සල්ඩනා, Dave බැටිස්ටා, වින් ඩීසල්, බ්‍රඩ්ලි කූපර් කණ්ඩායමට අමතරව කර්ට් රසල්, සිල්වෙස්ටර් ස්ටැලෝන් වැනි ප්‍රවීණ රංගන ශිල්පීන්ද එල්වනු ලැබුවා. කතාව ගැන කියන්නනම් අදහසක් නැහැ බලලම දැනගන්නකෝ. හැබැයි කියන්නම් මේ පාරනම් වෙනස්ම කතාවක් තමයි යන්නේ.. MCU එකේ ඉන්ෆිනිටි ජෙම් ප්‍රධාන තේමාවෙන් එලියට ගිහින් අපූරු කතාවක් ගොඩනගලා තියෙනවා මේකෙදි. ඒවගේම අපූරු ආෆ්ටර් ක්‍රෙඩිට් කීපයකුත් තියෙනවා….

ඒ වගේම මේ සලරුව MCU එකේ සංවේදී අවසානයක් සහිත එකක්.මම නෙවේ මේකෙ අධ්‍යක්ෂක තුමාම තමයි කියල තියෙන්නේ ඒක.. ආරම්භක දර්ශණයම බලපු මටත් අවංකවම යොන්ඩුගෙ සීන් එකේදි කඳුලු ආවා. මෙවර කතාව පියවරුන් පාදක කරගෙන නිමවුනත් පීටර් සහ ඊගෝ අතර සම්බන්ධය නොව පීටර් සහ යොන්ඩු අතර සම්බන්ධය සහ යොන්ඩු තමාව රැකගත් ආකාරයට ගෘෘට් හට පීටර් පියෙක් වන ආකාරය සංවේදී ලෙස පෙන්වලා තියෙනවා. ඒ වගේම නෙබියුලා, ගමෝරා සොයුරියන්ගේ කතාවත් මනාව දක්වනවා. මේ කතාව අවසන් වන්නේ මාවල් විශ්වයේ තවත් දැවැන් චරිතයක අනාගත ආගමනයක සලකුනු පෙන්වලා.. ඒ ඇඩම් වෝලොක්.. මෙයා ගැන කියන්නනම් අදහසක් නෑ… ඉස්සරහට කියන්නම්කෝ.. දැනට මතක තියාගන්න ඉන්ෆිනිටි ජෙම් කතාවල මෙයා දැවැන්ත චරිතයක් කියලා.. හැබැයි MCU Infinity War එකේදි මෙයා නෑ කියල තහවුරු කරලා තියෙන්නේ.. ඒ කියන්නේ GoG Vol:3 එනකල් ඉන්න වෙනවා මෙයාව බලාගන්න…

#Hail_Hydra

ඉහත විස්තරය ගෙනාවේ අපේ හයිඩ්‍රා නියෝජිත තිසර නියෝ සහෝ විසින්. ටික කාලයකට පසුව මම අද ඔයාලාට ගෙනාවේ මේ වසරේ Marvel සමාගමේ සාර්ථක අති දැවැන්ත නිර්මාණයක් වූ Guardians of the Galaxy චිත්‍රපටයේ දෙවැනි කොටසයි. 2017 මැයි 05 වනදා තිරගත කිරිම ඇරඹූ මේ චිත්‍රපටය මේ වන විට Imdb ශ්‍රේණිගත කිරිමේ 8.0 අගයක් ලබාගෙන තිබෙනවා. විනාඩි 136 ක් පුරා දිවෙන මේ නිර්මාණය සදහා ඩොලර් මිලියන 200ක වියදමක් ගණන් බලා ඇති අතර ප්‍රදර්ශනය අරඹා පළවෙනි සතියේ වාර්ථාගත ආකාරයට ඇමරිකාවේ පමණක් මිලියන 146ක් උපයාගෙන තිබෙනවා. Box office වාර්ථා වලට හිමිකම් කියූ මේ චිත්‍රපටය මේවන විට ඩොලර් මිලියන 385ක දළ ආදායමක් ලබාගෙන තිබෙනවා. පසුගිය චිත්‍රපටිය හිතුවෙවත් නැති විදියට සාර්ථක වුන නිසා තමයි මේ දෙවැනි කොටසත් ඉක්මනින්ම නිකුත් කරලා තියෙන්නේ. ඒ වාගෙම කියන්න ඕනි මෙම චිත්‍රපටියත් පාදක වෙලා තියෙන්නේ Guardians of the Galaxy (1969) සහ Guardians of the Galaxy (2008) නමින් නිකුත් වූ Marvel Comic Book කීපයයි.

සුපුරුදු පරිදි කලින් චිත්‍රපටියේ වගේම මේ කතාවේ Chris Pratt, Peter Quill ලෙසින් ප්‍රධාන චරිතයට පණ පොවනවා. ප්‍රධාන නිලිය ලෙසින් පණ පොවන්නේ Avatar කතා මාලාවේත් ප්‍රධාන නිලිය ලෙසින් රගපෑ Zoe Saldanaය. ඒ වාගේම Smack Down තරුවක් වුන Dave Bautista, Drax ලෙසින්ද Fast & Furious 6 තුලින් ජනාදරයට පත් වූ Vin Diesel, Baby Groot චරිතයට හඩකවමින්ද The Hangover (2009) චිත්‍රපටියේ රගපෑ Bradley Cooper, Rocket චරිතයට හඩකවමින්ද මේ චිත්‍රපටයට දායක වෙනවා.

ඉතින් ඔයාලට මතක ඇතිනේ සැන්ඩාර් රොනන්ගේ තරහින් බේරාගත්තට පස්සේ, දැන් ගාර්ඩියන්ස්ලා දැන් වීරයෝ විදියට තමයි හැමෝම පිලිගන්නේ. ඉතින් ඒ නිසා එයාලට මන්දාකිනියේ එක එක තැන්වල වෙන ප්‍රශ්න විසදන්නත් යන්න වෙනවා. එහෙම ගියපු ගමනක් තමයි සෝවේරියන් ලෝකය ලොකු මෘගයෙක්ගෙන් බේරාගන්න ගියපු ගමන. ඉතින් එතනදි රොකට් පොඩි හොරකමක් කරනවා. අන්තිමේට ඉතින් සෝවේරියන්ලට හොද කරන්න වීරයෝ විදියට ගිහින් එයාලගේ හතුරෝ වෙලා එන්න තමයි මෙයාලට වුනේ. ඔය අතරේ කණ්ඩායමේ නායකයා ස්ටාර් ලෝර්ඩ් එහෙමත් නැත්නම් පීටර් ක්විල්ගේ පරම්පරාව මොකක්ද එයාගේ තාත්තා කවුද කියලා හොයාගන්න මෙයාලට අවස්ථාවක් ලැබෙනවා. හැබැයි ඉතින් ඒ ගමන ලේසි වෙන්නේ නෑ. ඒ වගේම එයාලා හිතපු දේවල් වෙන්නෙත් නෑ. මීට වඩා නම් වැඩි විස්තරයක් මම ඔයාලට කියන්නේ නෑ. ඔයාලම බලලා තිරණය කරන්න මන්දාකිණියේ ආරක්ෂකයන් මේ සැරේ මන්දාකිනිය ආරක්ෂා කරගන්නේ කොහොමද කියලා… . . ^_^ මීලග උපසිරැසියෙන් හමුවෙනතුරු ඔබට ජය… . .!

ලිපිය උපුටා ගැනීම :- Baiscopelk.com හි පලවූ කවිඳු ගිම්හාන් (පැතුම්) සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

 

The post Guardians of the Galaxy Vol. 2 (2017) Sinhala Subtitles | සිංහල උපසිරසි සමඟ appeared first on SinhalaSub.

Guardians of the Galaxy (2014) Sinhala Subtitles

ටික කාලයකට පසුව මම අද ඔයාලාට ගෙනාවේ මේ වසරේ Marvel සමාගමේ සාර්ථකම වාර්තා පිට වාර්තා තැබූ අති දැවැන්ත නිර්මාණයක් වූ Guardians of the Galaxy චිත්‍රපටයයි. 2014 අගෝස්තු 01 වනදා තිරගත කිරිම ඇරඹූ මේ චිත්‍රපටය මේ වන විට Imdb ශ්‍රේණිගත කිරිමේ 8.6 අගයක් ලබාගෙන 55 වන ස්ථානයේ රැදිසිටිනවා. විනාඩි 121 ක් පුරා දිවෙන මේ නිර්මාණය සදහා ඩොලර් මිලියන 170ක වියදමක් ගණන් බලා ඇති අතර ප්‍රදර්ශනය අරඹා පළවෙනි සතියේ වාර්ථාගත ආකාරයට ඇමරිකාවේ පමණක් මිලියන 94ක් උපයාගෙන තිබෙනවා. Box office වාර්ථා වලට හිමිකම් කියූ මේ චිත්‍රපටය මේවන විට ඩොලර් මිලියන 327ක දළ ආදායමක් ලබාගෙන තිබෙනවා. මේ චිත්‍රපටිය කොතරම් සාර්ථක වෙලාද කියනවා නම් 2017 මැයි මාසයේදි මෙම චිත්‍රපටියේ දෙවන කොටස තිරගත කරන්න මේ වනවිටත් සැලසුම් කරලා අවසානයි. ඒ වාගෙම මෙම චිත්‍රපටියට පාදක කරගෙන තියෙන්නේ Guardians of the Galaxy (1969) සහ Guardians of the Galaxy (2008) නමින් නිකුත් වූ Marvel Comic Book කීපයයි.

මේ කතාවේ Chris Pratt, Peter Quill ලෙසින් ප්‍රධාන චරිතයට පණ පොවනවා. ප්‍රධාන නිලිය ලෙසින් පණ පොවන්නේ Avatar කතා මාලාවේත් ප්‍රධාන නිලිය ලෙසින් රගපෑ Zoe Saldanaය. ඒ වාගේම Smack Down තරුවක් වුන Dave Bautista, Drax ලෙසින්ද Fast & Furious 6 තුලින් ජනාදරයට පත් වූ Vin Diesel, Groot චරිතයට හඩකවමින්ද The Hangover (2009) චිත්‍රපටියේ රගපෑ Bradley Cooper, Rocket චරිතයට හඩකවමින්ද මේ චිත්‍රපටයට දායක වෙනවා.

පිටර් කියන්නේ සාමාන්‍ය ළමයෙක්. ඒත් එයාගේ අම්මා හදිසියේම අසනිපයක් නිසා මිය යනවා. ඒ අතරතුර කවුරුවත් නොසිතූ විදියට Ravagersලාගේ නායකතුමා වුන යොන්ඩු විසි පැහැරගෙන ගිහින් හදාවඩා ගන්නවා. හැබැයි මේ පීටර් කියන්නේ එසේ මෙසේ කෙනෙක් නෙවෙයි රාජකිය හොරෙක්. කොහොමෙන් කොහොම හරි මෙයා රොනන් කියන භයානක නායකයාට අවශ්‍ය වුන බලගතු ගෝලයක් (Orbe) යන්ත්‍රය හොරකම් කරන්න ගිහින් මට්ටු වෙනවා. හැබැයි තනියම නෙවෙයි රොනන්ගේ රණ ශූරියක් වුන ගැමෝරා, රූට් සහ රොකට් කියන අයත් පීටර් එක්ක හිරේට යනවා. ඒ හිරෙන් පැනලා යන්න මෙයාලා උත්සහ කරද්දි පුදුම සහගත දේවල් වෙනවා. ඒ අතර තුර රෙනන් අර ‍‍ගෝලය හොයාගෙන මෙයාලා පස්සේ පන්නනවා. ඉතින් මේ ගෝලය රොනන්ට ගන්න පුලුවන් වෙයිද? මේ ගෝලයෙන් කරන්න පුලුවන්නේ මොනවගේ දේවල්ද කියලා දැනගන්න නම් මේ චිත්‍රපටිය ඔයාලට බලන්නම වෙනවා.

මේ චිත්‍රපටිය ගැන අමතර කරුණු ටිකකුත් කියන්නම්.

• G.I. Joe: The Rise of Cobra (2009) චිත්‍රපටිය විසින් මීට පෙර අගෝස්තු මාසයේ විශාලම තිරගත වීම ලෙස චිත්‍රපට ශාලා 4007ක ප්‍රදර්ශනය කර තබා තිබූ වාර්තාව චිත්‍රපට ශාලා 4080ක තිරගත කිරිමෙන් මෙම චිත්‍රපටිය විසින් බිද දමා තිබෙනවා.
• මෙම චිත්‍රපටියේ “Awesome Mix, Vol. 1” soundtrack එක US Billboard 200 chart එකේ මුල් තැන ලබාගත්තා, එහි විශේෂත්වය තමයි original ගීත කිසිවක් නොමැතිව ප්‍රථම ස්ථනය ලබාගත්ත පළමු soundtrack එක මෙය විමයි.
• Dave Bautistaට මෙම චිත්‍රපටියේ Drax චරිතය ලැබෙනවා කියා ආරංචි ලැබුනාම ඔහුට සතුටු කදුලු ඇවිත් තිබෙනවා. ඒ මොකද Marvel comic-book චරිතයක් රගපැමට අවස්ථාව ලැබුනු නිසයි. ඒ නිසාම ඔහු අමතර රංගකලා පන්ති වලටත් සහභාගි වෙලා තිබෙනවා.
• Guardians of the Galaxy ගැන මාර්වල් සමාගම 1969 ජනවාරි මාසයේදි මෙයට වඩා වෙනස් කණ්ඩායමක් ඇතුලත් තර ප්‍රකාශයට පත් කරලා තිබෙනවා. නමුත් මේ චිත්‍රපටියේ සිටින Marvel Comics චරිත පිලිබදව පළවෙනි Star Wars චිත්‍රපටිය නිකුත් විමටත් පෙර සිටන් Marvel චිත්‍රපට වලින් දැකගන්නට ලැබී තිබෙනවා.

                     1. Star-Lord 1976 ජනවාරි මාසයේ Marvel Previewහිදී ද

                     2. Rocket Raccoon 1976 දී Marvel Previewහිදී ද

                     3. Gamora 1975 ජූනි මාසයේ Strange Talesහිදී ද

                     4. Drax the Destroyer 1973 පෙබරවාරි මාසයේ Iron Man චිත්‍රපටියේද

                     5. Groot 1960 නො‍වැම්බර් මාසයේ Tales to Astonishහිදී ද

• Nebula 1985 ජූලි මාසයේ The Avengers චිත්‍රපටියේද ප්‍රථම වතාවට පෙනී සිට තිබෙනවා.
  මේ පීටර් හොරකම් කරපු ඕර්බ් කියන ගෝලයේ තිබෙන්නේ ශක්ති මැණිකයි (Power Gem). කොමික් පොත්වල සදහන් වල පරිදි මේ ආකාරයේ මැණික් වර්ග 7ක් තිබෙන අතර ඒවා ආරක්ෂා කරන්න වෙන වෙනම සාමාජිකයින් 7 දෙනෙකුත් සිටිනවා. හැබැයි මේ ආරක්ෂකයන්ගේ අනන්‍යතාවය හැමෝටම රහසක් විදියටයි තිබෙන්නේ. ඒ මැණික් 7 සහ ඒවා ආරක්ෂා කරන ආරක්ෂකයන් පහත පරිදිවේ.

                     1. Adam Warlock – Soul Gem.

                     2. Gamora – Time Gem.

                     3. Moondragon – Mind Gem.

                     4. Pip the Troll – Space Gem.

                     5. Drax the Destructor – Power Gem.

“මගේ නම ගෘට්”

තවත් උපසිරසියකින් නැවත මුනගැසෙමු. එතෙක් ඔබ සැමට ජය… . . !

ලිපිය උපුටා ගැනීම :- Baiscopelk.com හි පලවූ කවිඳු ගිම්හාන් (පැතුම්) සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

 

The post Guardians of the Galaxy (2014) Sinhala Subtitles | සිංහල උපසිරසි සමඟ appeared first on SinhalaSub.

Fast X (Fast & Furious 10) 2023 වසරේ ඇමරිකානු ක්‍රියාදාම චිත්‍රපටයක් වන අතර එය ලුවී ලෙටර්රියර් විසින් අධ්‍යක්ෂණය කරන ලද තිර රචනයකින් ඩැන් මාශිව් සහ ජස්ටින් ලින් විසින් රචනා කරන ලද අතර, ඔහු සැක් ඩෙන් සමඟින් කතාව රචනා කරන ලදී. මෙය Fast & Furious චිත්‍රපට මාලාවේ එකොළොස්වන චිත්‍රපටය.  එහි ජොන් සීනා, රීටා මොරේනෝ, ජේසන් ස්ටැතම්, ජේසන් මොමෝවා, චාලිස් තෙරොන් සහ වින් ඩින්සල් ප්‍රසිද්ධ නළු නිලි කැල ඇතුලුව තවත් විශාල රංගන ශිල්පින් පිරිසක් රංගනයෙන් දායක වේ.

මේ චිත්‍රපටය දැනට 55% · Rotten Tomatoes,
55% · Metacritic සහ 6.3/10  IMDb අගයන් ලබා තිබේ. ඒවගේම මෙම චිත්‍රපටය ලොකයේ 8 වෙනියට වැඩිම වියදමක් කර නිර්මාණය කරන ලදී. ඒ ඇමරිකන් ඩොලර් මිලියන 340කි. මෙම චිත්‍රපටය පැය 2 විනාඩි 21 පුරා තිර ගත වේ. මෙම චිත්‍රපටය තිරගත කිරිම ඇරඹුවේ මැයි මාස 19 දින. එවගෙම මේ වෙනකොට ඉහල ප්‍රේක්ෂකය ප්‍රතිචාර සමග දැනට ඇමරිකන් ඩොලර් මිලියන 368 අධ්ක අදායම් වාර්තාවත් හිමි කර ගෙන ඇත. මෙම චිත්‍රපට මාලාවේ දොලොස් වැන්න 2025 වසරේ තිරගත වන බව මේ වෙනකොටත් ප්‍රකාශ කර ඇත.

කතාව පැත්තට ගියොත්, ඩොමිනික් ටොරෙටෝ සහ ඔහුගේ කණ්ඩායම රෝමයේ සංක්‍රමණය අතරතුර පරිගණක චිපයක් සොරකම් කරන ලෙස ඒජන්සිය විසින් ඉල්ලා සිටී. කෙසේ වෙතත්, තුවාල වූන කෙනෙක් ඩොම්ගේ නිවසට පැමිණ ඔහුට දන්වන්නේ මත්ද්‍රව්‍ය අධිපති හර්නාන් රීස්ගේ පුත් ඩැන්ටේ රෙයස්, ඔවුන්ගේ පවුලේ අයට තර්ජනය කරමින් ඇගේ කාර්ය මණ්ඩලය ඇයට එරෙහිව හරවා ඇති බවත්, ඔහුගේ පියාගේ මරණයට සහ පාඩුවට පළිගැනීම සඳහා ඩොම් ඉලක්ක කර ගැනීමට ඔවුන් යොදා ගන්නා බවත්ය. රෝමයේදී, ඩොම් සහ ලෙටි ඔවුන් පසුපස හඹා යද්දී ඩැන්ටේ බෝම්බයක් සහිත ට්‍රක් රථයක කණ්ඩායම සිර කරයි.  බෝම්බය වීදි හරහා මුදා හරින අතර, හානිය අවම කිරීම සඳහා ඩොම් එය ටයිබර් ගඟට තල්ලු කරයි…..

මෙතන ඉදලා බලමු කට්ටිය. චිත්‍රපටය කලින් තිබුන ෆිල්ම් වල වගෙම අති සාර්ථක ආකාරයට නිර්මාණය කරලා තියෙනවා.
හැමොටම බලන්න කියලා ආරාධනා කරනවා.

අතිශය ප්‍රථම පරිවර්තනය සහ උපසිරස ගැන්විම SinhalaSub.lk වෙනුවෙන් සිතාර නලින්ද රණසිංහ (SNR).

Fast X Sinhala Sub
Fast X Sinhala Subtitles
Fast X (2023) Sinhala Sub
Fast X (2023) Sinhala Subtitles

The post Fast X (2023) Sinhala Subtitles | සිංහල උපසිරසි සමඟ appeared first on SinhalaSub.

The post The Guardians of the Galaxy Holiday Special (2022) Sinhala Subtitles | සිංහල උපසිරසි සමඟ appeared first on SinhalaSub.