ආදර කතා නම් ඕනේ තරම් අහලා දැකලා ඇති. සැබෑ ජිවිතයෙද ඒක වෙනසක් නෑ. මට විශ්වාසයි. ගොඩක් අය අත්විදලා/විදවලා ඇති. ගොඩක් ආදර කතා පටන් ගන්නවට වඩා ඉක්මණට ඉවර වෙනවා. විශ්වාසය නැතිවීම වගේ නොයෙක් සැලකිය යුතු කාරණාත් එක්ක. මෙහෙම කියනවට තරහා වෙන්න එපා, අද කාලේ නම් ගොඩක් ආදර කතා කියන්නේ හරිම විහිළුවක්. ඒ මොකද දැන් මේක සමහරුන්ට විහිළුවක් වෙලා. කට්ටියගේ භාෂාවෙන් කියනවනම් ආතල් එකට කාලේ කන්න කරන වැඩක්. තමන්ගේ සහකාරිය/සහකරුවා තෝරගන්න වැඩේ හරියට කලේ නැත්තම් තමන්ටමයි විදවන්න වෙන්නේ. එදිනෙදා ජීවිතයේදීම අපිට කී දෙනෙක් හමුවෙනවද, එහෙමත් කෙනෙක් අපේ ජීවිතයට එනවා, ඇවිත් ලැගුම් අරගෙන ජීවිතාන්තය දක්වාම එකට ඉන්නවා. නැත්තම් මගදී දාලා යනවා. එහෙමත් අයගෙන් අබ්බගාත කොල්ලෙක්ව/ කෙල්ලෙක්ව බාර ගන්න ගොඩක් අය අකමැති වෙන්න හැකිළෙන්නේ නෑ. මොකද ඒක කරදරයක් හැටියටයි දකින්නේ. ඒත් ඇත්තටම ආදරය කරනවනම් මේ වගේ ප්‍රශ්ණ කියන්නේ බොහොම පොඩි දේවල්. මොකද ආදරය කියන්නේ මිට වඩා වැඩි යමක්.

එහෙම ආබාධිත කෙනෙක් තමයි විල්[විලියම්] ට්‍රේයිනර් කියන්නේ. මෙයාටත් පෙම්වතියක් ඉන්නවා. නමුත් වැස්ස දවසක පාර මාරු වෙන්න ගිහින් අනතුරකට ලක් වෙලා විල්ට ඇවිදගන්න බැරිව යනවා. මේකෙන් එයාගේ සුෂුම්නාව තුවාල වෙනවා. ඒකෙන් අතේ ඇගිලි සීමිත ගානක් තමයි හොලවන්නත් පුළුවන්. විල් කියන්නේ යම්තාක් දුරකට සල්ලි තියෙන කෙනෙක්. ඒත් ඉතින් එහෙමයි කියලා එයාගේ පෙමව්තිය එයා ලග නතර වෙන්නේ නෑ. ඔහොමම මතක තියාගන්න මං මේ පෙම්වතිය ගැන පස්සේ කියන්නම්. ලුවීසා කියන්නේ සාමාන්‍ය ෂොප් එකක වැඩ කරන කෙල්ලක්. ඒත් දවසක ඒ ෂොප් එකේ අයිතිකාරයා එයාව රස්සාවෙන් අස් කරනවා. සල්ලි කියන දේ හොදාකාරවම අවශ්‍යතාව තියෙන ලුවීසා කොහොමහරි රස්සාවක් හොයාගන්නවා. ඒ තමයි මේ විල්ව බලාගන්න වැඩේ. විල් ඉන්නේ ගෙදර සේවකයක් නම් ඉන්නවා නේතන් කියලා ඒත් ඒක ප්‍රමාණවත් නෑ. ඒ නිසා ලුවීසාව විල්ව බලාගන්න වැඩේ ලැබෙනවා. විල් නම් ලුවීසාට පොඩ්ඩක්වත් කැමති නෑ. ඔහොම කාලය යත්ම මේ දෙන්නා ගොඩක් සුහද වෙනවා. දවසක් විල්ගේ ගෙදරට එනවා එයාගේ පරණ පෙම්වතිය. ඇය නමින් ඇලීෂියා, නිකන් නෙවෙයි විල්ගේ හොදම යාළුවා රූපට් කියන හාදයෙක් එක්ක විල්ව බලලා යන්න.මේ දෙන්නාගේ පැමිණීම නම් විල්ට හොද දෙයක් වෙන්නේ නෑ. මාස හයකට වතාවක් විල්ව වෛද්‍ය පරික්ෂාවට ලක් කරන්න රෝහලට යන්නත් තියෙනවා.

එක්තරා දවසක විල්ගේ ගෙදරට ආපු ලියුමක තිබුණු දෙයක් නිසා විල්ගේ අම්මයි තාත්තයි අතරේ ඇතිවන රණ්ඩුව ලුවීසාට ඇහෙනවා. ලුවීසා මේ ගැන දැනගත්තට තමයි විල්ට තවත් ගොඩක් සුහද වෙන්න වගේම එයාව සතුටින් තියන්න උත්සහ කරන්නේ. ඒත් ලුවීසාට පෙම්වතෙක් ඉන්නවා. පැට්රික් කියලා. එයා වෘතිමය වශයෙන් කරන්නේ ක්‍රීඩා ආශ්‍රිත දේවල්. පැට්රික් නම් කැමති වෙන්නේ නෑ මේ ලුවීසයි විල් අතරේ ඇතිවන සුහදතාවයට. ඒ අතරේ විල්ගේ පරණ කෙල්ල ඇවිත් එයාගේ වෙඩින් කාඩ් එක දීලා යනවා. ඒ වෙන කවුරුවත් එක්ක නෙවෙයි මිත්‍රවරුණේ විල්ගේ හොදම යාළුවා වෙච්චි රූපට් එක්ක. මෙතනින් පස්සේ නම් වෙන දේ මං කියන්න යන්නේ නෑ. එහෙම උනොත් කතාවේ රසය නැති වෙනවා. ලස්සන සිදුවීම් පෙළක් අවසානය වෙනකන්ම බලාගන්න පුළුවන්. ලස්සන සින්දු ටිකකුත් තියෙනවා.

IMDb දර්ශකයේ 7.4 ක අගයක් මේ වෙද්දී මේ සලරුවට ලැබිලා තියෙනවා. ධාවන කාලය පැයකුත් විනාඩි පනහකුත් වෙනවා. ඒවගේම මේක Drama, Romance කියන කැටගරියට තමයි අයත් වෙන්නේ. නිකුත් වුණේ 2016 ජූනි 3 වෙනිදා. අධ්‍යක්ෂණය නම් Thea Sharrock. තිර රචනය  Jojo Moyes. මේ චිත්‍රපටියේ ලොකු විශේෂයක් තියෙනවා. ඔයාලා දන්නවද Me Before You කියන්නේ Jojo Moyes කියන ඒ සුපිරි කතුවරිය විසින් 2015 ජනවාරි 5 වෙනිදා එක්සත් රාජධානියේ එළිදක්වන ලද සුපිරි ආදර නව කාතාවක්. Me Before You පොත එළිදැක්වීමත් පසුව 2015 වසර පුරා නිකුත් වූ පොත් අතරින් වැඩිම අලවියකට ලක්වුණු පොත බවට පත්වෙනවා. මෙතනින් පස්සේ තමයි Thea හා Jojo එකතුවෙලා මේක සුපිරි සලරුවක් බවට පත්කරලා අද අපි අතට මේ පත් කරලා තියෙන්නේ. Box office තුල ඇමරිකානු ඩොලර් මිලියන 33.9ක මුදලක් උපයා තියෙනවා. චිත්‍රපටිය සදහා අයවැය ඇමරිකානු ඩොලර් 20,000,000 වියදම් වෙලා තියෙනවා. නමුත් චිත්‍රපටිය එළිදැක්වූ පළමු සතිය තුල ඇමරිකාව තුල පමණක්,ඇමරිකානු ඩොලර් 18,723,269 (3 ජූනි 2016 දිනට) උපයා තියෙනවා. නමුත් මේ වනවිට ඇමරිකානු ඩොලර් 39,670,975 (14 ජූනි 2016 දිනට) උපයාගැනීමට හැකියාව ලැබිලා තියෙනවා.

විශේෂයෙන්ම මේකේ ඉන්න චරිත ගැන කතා කරනවානම් ප්‍රධාන චරිත දෙක වන ලුවීසා ක්ලාක්ට රංගනයෙන් දායක වන්නේ Emilia Clarke එහෙමත් නැත්තම් ගොඩක් අය එයාව Game Of Thrones වල අපේ මකර රැජිණ, ඩනේරිස් අක්කියා  විල් ට්‍රේයිනර්ට රංගනයෙන් දායක වන්නේ Sam Claflin හෙවත් The Hunger Games: Catching Fire වල හිටිය ෆීනික්. පැට්ට්‍රික් විදිහට රංගනයෙන් දායක වන්නේ Matthew Lewis හෙවත් අපි පොඩි කාලේ බලපු Harry Potter චිත්‍රපට මාලාවේ නෙවිල්. ලුයිසාගේ සහෝදරිය වන කැත්රිනා ක්ලාක් විදිහට රංගනයෙන් දායක වන්නේ Jenna Coleman හෙවත් Captain America: The First Avenger වල හිටිය කොනී. ඊළගට විල්ගේ තාත්තා ස්ටීවන් ට්‍රේනර් හැටියට රංගනයෙන් දායක වන්නේ Charles Dance හෙවත් Game Of Thrones කතාමාලාවේ අගුටුමිට්ටා විසින් මරා දමා අප අතරින් වෙන් වූ ටයිවින් ලැනිස්ටර්.

අඩුම තරමේ ලිපිය කියෙව්වමවත් තේරෙනවා ඇතිනෙ මේක සුපිරි ලව් ස්ටෝරියක් කියලා. රංගනයෙන් දායක උනෙත් එසේ මෙසේ කට්ටියකුත් නෙවෙයිනේ. කතාව බලන එක මං ඔයාලට බාර කරලා යන්නම්. මතක ඇතිව අදහසකුත් දාලා යනවනම් වටිනවා ඉතින්.

එහෙනම් ඉතින් තවත් මේ වගේ සුපිරි සලරුවකින් හමුවෙමු.

සිල්වර්බැක්…. ඇත්තටම මම මුලින් මේ වචනය දැක්කාම හිතුවා සිල්වර්බැක් කියන්නේ ගෝරිල්ලා වර්ගයක් කියලයි. නමුත් ටිකක් හොයලා බලද්දි තමයි දැනගන්නට ලැබුණේ සිල්වර්බැක් කියන්නේ වැඩිහිටි පිරිමි ගෝරිල්ලන්ට බව. මෙසේ මොවුන්ව හඳුන්වන්න හේතු වන්නේ ඔවුන්ගේ කොඳු ප්‍රදේශයේ සිට ඉණ ප්‍රදේශය දක්වා තිබෙන කළු ලොම් රිදී පැහැයට හැරෙන නිසාලු. එතකොට බ්ලැක්බ්ලැක් (Blackbacks) කියල කියන්නේ වයස අවුරුදු 8 සිට 12 දක්වා ගෝරිල්ලන්ට. ඒ වයසට වැඩිය රිදී පැහැ ලොම් නැහැ. ඒක අමතර කරුණක්.‍

දැන් අපි ටිකක් අයිවන් ගැන කතා කරමුකෝ. දන්නවද? මේ නවකතා මනඃකල්පිත වුණාට අයිවන් කියන්නේ ඇත්තටම හිටපු ගෝරිල්ලෙක්. මේ නවකතාවට ආවේශනය ලබාගෙන තිබෙන්නේ මේ ගෝරිල්ලාගෙන් සහ එම ගෝරිල්ලා මුහුණ දුන් සිදු වීම්.

අයිවන්, 1962 උපත ලැබූ, Western lowland ගෝරිල්ලෙක්. ඔහු උපත ලැබුවේ වර්තමානයේ කොන්ගෝ ප්‍රජාතන්ත්‍රවාදී ජනරජය ලෙස හඳුන්වන ප්‍රදේශයේයි. ඔහුව කැළෑව තුළදී අල්ලාගනු ලබන්නේ ඔහු කුඩා කලදීමයි. ඔහු මුල් අවුරුදු කිහිපයේ දිවි ගෙවන්නේ ඔහුගේ අයිතිකරුවන් සමඟ වන අතර පසුව ඔහු නිවසක සිටීමට පවා අපහසු වන තරමට විශාල වූ පසුව අයිතිකරුවන් විසින් ඔහුව කොන්ක්‍රීට්වලින් සෑදූ කූඩුවකට යවනවා. එය ප්‍රදර්ශනයට තිබෙන්නේ වොශිටන්හි B&I නම් වෙළඳ සංකීර්ණයක. අයිවන් එහි තමයි ඔහුගේ දිවියේ ඊළඟ අවුරුදු 27 ගෙවනු ලබන්නේ.

අයිවන්ව නිදහස් කර ඔහුට‍ හරි හැටි අවධානය ලබා දී බලාගත හැකි තැනකට යවන්නට ඉඩ දෙන බවට ඉල්ලා ප්‍රාදේශීය සත්ව සුභසාධන සංවිධානවලින් කළ සාර්ථක සටන් ව්‍යාපාරවලින් පසුව, 1994 දී අයිවන්ව සියැට්ල්වල පිහිටි වුඩ්ලන්ඩ් පාක් සත්වෝද්‍යානයේ තබනවා. ඊට වැඩි කලක් නොගොස්, ඔහුව ජෝජියාවේ ඇට්ලැන්ටාවල පිහිටා ඇති ඇට්ලැන්ටා සත්වෝද්‍යානට යවනවා. ඔහුගේ දිවි අවසන් වන තාක් ඔහු දිවි ගෙවන්නේ එහිදීයි. 2012 අගෝස්තුවලදී අසනීප තත්වයෙන් සිට ප්‍රතිකාරවලට මුහුණ දෙමින් සිටි අතරතුර වසර 50ක් ආයු පරිභෝජනය කළ අයිවන් ජීවිතයට අවසන් තිත තබනවා. ඔයාලට මෙතනට ගියානම් බලන්න පුලුවන් ඇට්ලැන්ටා සත්වෝද්‍යානයේ වෙබ් අඩවියෙන් අයිවන් පිළිබඳ සටහන් කර තිබෙන වාර්තාව. ඉතින් ඕක තමයි අයිවන්ගේ සැබෑ ජීවිත කතාව…

නව කතාවේත් අපේ අයිවන් කියන ගෝරිල්ලා දිවි ගෙවන්නේ වෙළඳ සංකීර්ණයකයි. මේ නව කතාව ලියල තියෙන්නේත් අයිවන්ගේ දෘෂ්ටි කෝණයෙන්ම තමයි. 2013 Newbery Medal සම්මානය ජහග්‍රහණය කරන්නට සමත් වෙනවා. තවත් බොහෝමයක් සම්මාන දිනාගන්න The One and Only Ivan නවකතාවට හැකියාව ලැබෙනවා.

ඉතින් The One and Only Ivan නවකතාවේ අති සාර්ථකත්වයෙන් පසුව, මේ වසරේ ඒ කිව්ව‍ෙ 2020 මැයි මාසේ නැවතත් Katherine Applegateගේම රචනයෙන් The One and Only Bob නමින් තවත් නව කතාවක් නිකුත් වෙනවා.  මෙම නව කතාව ඉදිරිපත් කර තිබෙන්නේ අයිවන්ගේ හොඳම මිත්‍ර සුනඛයා වන බොබ්ගේ දෘෂ්ටි කෝණයෙන්.

මේ නවකතාවල සාරාංශනම් දෙන්න යන්නේ නැහැ මොකද චිත්‍රපටයත් නවකතාවට සමීපව ධාවනය වෙයි කියලා හිතන නිසා. කතාව කියවලා තියෙනවනම්, බලන්නකෝ චිත්‍රපටය කොච්චර දුරට නවකතාවට ළඟින් යනවද කියලා.

මේ චිත්‍රපටය මුලින්ම නිකුත් වෙන්නට තිබුණේ Walt Disney Studios Motion Pictures සමාගම යටතේ අගෝස්තු 14. නමුත් කොවිඩ්-19 වසංගත තත්වය නිසා සිනමාහල් වසා දැමීම හේතුවෙන්, ජූනි 12 වෙනිදා නිවේදනය කරනු ලබනවා Disney+ ඔස්සේ අගෝස්තු 21 වෙනිදාට නිකුත් කරන බවට. හැබැයි ඔන්න ජූලි 8 වෙනිදා චිත්‍රපටයේ පූර්ව ප්‍රචාරන පටයේ නිකුත් වීමත් සමග පෙර තීරණය කළ පරිදිම නැවතත් අගෝස්තු 14 වෙනිදාම නිකුත් කරන්න හිතුවත්, අවාසනාවන්ත ලෙස ආපහු 21 වෙනිදාම නිකුත් කරන්න තීරණය කරනවා. 

හොඳයි අපි දැන් චිත්‍රපටයේ කතාව දිහාවට හැරෙමු… මේ කතාවේදීත් පොතේදී වගේම බිග් ටොප් වෙළඳ සංකීර්ණය සහ වීඩියෝ ආකේඩ් එක්සිට් එයිට් (Big Top Mall and Arcade Exit 8) කියන ගොඩනැගිල්ලේ තමයි අයිවන් ජීවත් වෙන්නේ. අයිවන් තමා‍ මේ සර්ක්ස් එකේ ප්‍රධාන තරුව මොකද බිල්බෝඩ් එකේ (විශාල දැන්වීම් පුවරුවෙ) තියෙන්නේ එයාගේ පින්තූරයක් සහ සඳහන් කරලා තියෙන්නේ එයා ගැන. එයාට යාළුවෝ කිහිප දෙනෙකුත් ඉන්නවා. එයාලව චිත්‍රපටය බලලාම අඳුනගන්නකෝ. එතකොට අයිවන්ගේ රාජකාරිය වෙන්නේ ලොකු තරහක් මවාපාමින් ගොරවලා, කිං කොං වගේ පපුවට ගහගෙන එහෙම සර්කස් එක බලන්න එන කට්ටියව සතුටු කරන එක.

නමුත් ළඟදි ඉඳලා සර්කස් එක බලන්න එන කට්ටිය අඩු වෙලා. ඉතින් සර්කස් එක කරගෙන යන අයිවන්ව පුංචි කාලයේ ඉඳලා බලා කියාගත්තු මැක් මහත්මයා මේකට විසඳුමක් හිතලා තීරණයක් ගන්නවා. ඒ මොකක්ද කියලත්, අයිවන් සහ ඔහුගේ මිතුරන් ඒ තීරණයට කොහොම ප්‍රතිචාර දක්වයිද කියලාත් පවුලේ හැමෝම එකතු වෙලා මේ චිත්‍රපටය බලලා දැනගන්න කියලා ආරාධනා කරනවා. ?

ජය වේවා!!

ලිපිය උපුටා ගැනීම :- Baiscope.lk හි පලවූ එල්.සී.දමැල් සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න