සුභ දවසක් හැමෝටම!!

මෙය හින්දි සිනමාවේ IMDb තුළ 7.1 ක ඉහළ අගය කිරීමක් පවතින, ජනප්‍රිය සිනමාපටයකි. මෙහි කතා සාරාංශය වන්නේ, පුවත්පත් කාටූන් ශිල්පියෙක් වන ප්‍රීතම්ට ටෙනිස් තරඟයකදී ඇනීටා නම් සුන්දර තරුණිය හමුවෙයි, එහිදී ඇය ඇගේ ප්‍රියතම ටෙනිස් තරුව වෙත ඇය ආදරය කළත් ඔහු ඇයව නොසලකා හැර විදෙස් ගතවෙයි. ඒ නිසා ඇනීටාට පිරිමින් ගැන කලකිරීමක් ඇතිවේ. ඇය ඉතා ධනවත් පවුලක තරුණියක් වුවත් තම දෙමවුපියන් මියගොස් ඇති නිසා ඇගේ නැන්දා වන සීතා දේවි යටතේ හැදී වැඩෙයි. ඇයද පිරිමින් ගැන සැක කරන අතර ඇනීටා තුළද ඇගේ ආකල්ප ඇති කරවයි. මේ අතර තම පියාගේ අන්තිම කැමැත්ත පරිදි විශාල දේපොලක් ඇනීටාට හිමිව ඇති බව පවුලේ නීතිඥවරයා දන්වා සිටියි. කෙසේ වෙතත්, ඇයගේ හිමිකම ලැබීමට නම්, ඇගේ පියාගේ කැමැත්ත අනුව අනීතාට වයස අවුරුදු විසි එක සම්පූර්ණ වී මාසයක් ඇතුළත විවාහ විය යුතුය. සීතා දේවි මෙයට එකඟ නොවන අතර, ඉක්මනින් දික්කසාද වීමට තුඩු දෙන ව්‍යාජ විවාහයක් අනීතාට ලබා දීමට උත්සාහ කරයි. ඒ අනුව සීතා දේවි තරුණයෙක් සොයයි. මෙහිදී ප්‍රීතම්ව යෝජනා වෙයි. සීතා දේවි විසින් විවාහයෙන් පසුව දෙදෙනා හමුවන්නට නොහැකි බවත්, මේ විවාහය වෙනුවෙන් ප්‍රීතම්ට මාසිකව දීමනාවක් පමණක් ගෙවන බවත්, ඇය ඉල්ලා සිටි දිනයකදී දෙදෙනා දික්කසාද විය යුතු ලෙසත් ආදී ලෙස කොන්දේසි රැසක් දමයි. කලින් සිට ඇනීටාව දන්නා නිසා සහ තමාට රැකියාවක් නොමැති නිසාත් ප්‍රීතම් මෙම විවාහයට කැමැත්ත පළ කරයි. විවාහය සිදු වන තැනදී මොවුන් දෙදෙනා හමුවූ විට ඇනීටා පුදුම වෙයි. ඒ මීට පෙර ඇනීටාද, ප්‍රීතම්ව දන්නා කෙනෙක් නිසායි. එදින විවාහය සිදුවෙයි. ඉන් පසුව ගැටළු රැසක් ද ඇතිවේ.

අවසානයේ කුමක් වේවිද? මෙය කුතුහලයකින් නැරඹිය හැකි සිනමාපටයකි. මෙතැන් පටන් ඔබට බාරයි…

ජය වේවා!!

ලිපිය උපුටා ගැනීම :- Baiscope.lk හි පලවූ විතානගේ ප්‍රියන්ත දයාකීර්ති සහෝදරයාගේ ලිපිය

උපසිරසි හදල දෙන වෙබ්සයිට් එකෙන් හැමවෙලේම උපසිරසි ඩවුන්ලෝඩ් කරගන්න බලන්න ඒ වගේම උපසිරසි හදන අයව කමෙන්ට් කරල දිරිමත් කරන්න. ඒක මේ වෙබ්සයිට් එකේ විතරක් නෙමෙයි ඕනෙම එකක කරන්න . මොකද එයාල කාලය මහන්සිය කැපකරල ලොකු සේවයක් කරන්නෙ
Original ලිපිය හා උපසිරසිය පමණක් ලබාගැනීමට පහත සිංහල උපසිරසි Link එකෙන් පිවිසෙන්න

The post Mr. & Mrs. ’55 (1955) Sinhala Subtitles | සිංහල උපසිරසි සමඟ appeared first on SinhalaSub.